Ditë: 2 Prill 2021

Më datë 23.02.2021 u mbajt Mbledhja e Komitetit Këshillimor (“ACM # 9”) midis shoqërisë Albpetrol sh.a dhe “Terraoil Swiss” sh.a ku u shqyrtua Programi i Punës dhe Buxheti i kompanisë “Terraoil Swiss” sh.a për zhvillimin e Vendburimit Visokë gjatë vitit 2021 si dhe Plani i Zhvillimit i Rishikuar 2019-2036 për vendburimin Visokë.

Në këtë mbledhje u vendos:

Vendim # 1

Të miratohet Programi i Punës dhe Buxhetin për vitin 2021 i kompanisë “Terraoil Swiss“ sh.a., sipas përmirësimeve të propozuara për vendburimin Visokë.

Vendim # 2

Të miratohet Plani i Zhvillimit i Rishikuar 2019 – 2036 i kompanisë Terraoil Swiss sh.a., sipas përmirësimeve të propozuara” pë vendburimin Visokë.

Gjithashtu u shpreh interesi nga te dyja palët për bashkëpunim dhe sygjerime të ndryshme teknike ne vazhdimesi për zhvillimin e vendburimit të Visokës.

Kjo vjen si ide e një bashkëpunimi më të afërt midis Albpetrol sh.a dhe kompanive kontraktore që operojnë në vendburimet tona për të shfrytëzuar me metodat më të mira bashkëkohore këto vendburime.

Më datë 04 Mars 2021,u mbajt Mbledhja e Komitetit Këshillimor (“ACM # 5”) midis shoqërisë Albpetrol sh.a dhe “Delvina Gas Company” Ltd – Degë e Shoqërisë së Huaj ku u shqyrtua Programi i Punës dhe Buxheti i kompanisë “Delvina Gas Company” Ltd për zhvillimin e Vendburimit Delvine gjatë vitit 2021

Në këtë mbledhje u vendos:

Albpetrol dhe Delvina Gas Company miratuan Planin e Punës dhe Buxhetin për vitin 2021,të rishikuar, për vendburimin Delvinë, sic është paraqitur nga Delvina Gas Company.

Nga te dyja palet u ra dakort për bashkepunim, duke mbajtur konferenca,këshillime dhe analiza teknike të detajuara për vendburimin e Delvinës.