Endri PUKA, Administrator i Albpetrol sh.a
Endri PUKA
Administrator i Albpetrol sh.a
Administratori i shoqërisë Albpetrol sh.a është zoti Endri Puka. Ai ka marrë këtë detyrë në tetor të vitit 2013.
Më parë zoti Puka ka ushtruar detyrat e mëposhtme:
Drejtor Ekzekutiv i Shekulli Media Group
Janar 2011 – Janar 2012
Shekulli Media Group është grupi më i madh mediatik në Shqipëri. Ky grup ka në pronoësi dy nga gazetat më të mëdha në vend që janë Shekulli dhe Sporti Shqiptar. Prej vitit 2011 Shekulli Media Group është një nga portalet online më të ndjekur në Shqipëri.
Abissnet.sh.a, Kryetar i Bordit Drejtues
Janar 2006 – Janar 2012 (6 vjet)
Abissnet është ISP e dytë më e madhe në Shqipëri. Kompania shtrihet në të gjithë territorin e Republikës së Shqipërisë dhe ofron shërbimet e internetit dhe telefonisë.
A1 Televizion, Drejtor i Përgjithshëm
Janar 2009 – Dhjetor 2010 (2 vjet)
A1 Televizion (sot A1 Report) është një stacion lajmesh, i cili transmeton 24 orë në ditë. A1 filloi transmetimet e tij në Dhjetor të vitit 2000 duke u fokusuar kryesisht tek lajmet kombëtare dhe çështjet ndërkombëtare. Sot A1 Report është një nga televizionet informative më të ndjekur në Shqipëri.
METRO SH.A, Kryetar i Bordit Drejtues
Janar 2005 – Gusht 2010 (5 vjet e 8 muaj)
Metro është një kompani private me zyra qendrore në Tiranë. Kjo kompani ofron shërbime të ndryshme në fushën e reklamave tradicionale dhe atyre inovative. Fokusi i kompanisë janë reklamat në rrugët dhe ambiente të tjera të qyteteve, të cilat kanë shikueshmëri të madhe nga publiku i gjerë. Metro është kompania më e madhe e reklamave në ambiente të jashtme në Shqipëri.
Futboll Klub Apolonia, President
Janar 2008 – Nëntor 2009 (1 vit e 11 muaj)
F.K. Apolonia është një klub profesionist futbolli i krijuar në qytetin e Fierit. Klubi u themelua në vitin 1925 në Fier dhe mori emrin nga rrënojat e qytetit antik të Apolonisë.
Rompetrol, Senior Consultant
Prill 2004 – Gusht 2007 (3 vjet e 5 muaj ) Tirana
Me më shumë se 7.000 punonjës në 12 shtete të ndryshme, Rompetrol Group N.V. është një nga kompanitë më prestigjioze në Rumani si dhe një aktor shumë i rëndësishëm në zonën e Detit të Zi dhe Mesdheut. Rompetrol është specializuar në përpunimin, shitjen, parketimin e produkteve të naftës si dhe në operacionet e kërkimit dhe prodhimit të Hidrokarbureve. Rompetrol është një kompani aktive edhe në fushën e transportit të karburanteve.
Në Rumani, Rompetrol ka në pronësi rafinerinë me teknologjinë më të avancuar në vend. Rafineria Petromidia ka një kapacitet përpunues prej 5 milionë ton naftë brut në vit. E vendosur në zonën e Navodari, rajoni i Constanta, Petromideia ka akses të plotë në Detin e Zi dhe që andej në të gjithë botën.
KUSH JEMI
Albpetrol sh.a. është një shoqëri aksionere me 100% të aksioneve të zotëruara nga shteti shqiptar. Selia qendrore e kompanisë ndodhet në qytetin e Patosit. Në vitin 2014, Albpetrol sh.a ka hapur edhe një zyrë përfaqësimi në Tiranë. Roli kryesor i shoqërisë është prodhimi dhe tregtimi i produkteve të naftës si dhe monitorimi i Marrëveshjeve Hidrokarbure.
Historia e naftës shqiptare fillon në vitin 1918, kur gjeologu italian Leo Madalena kreu shpimin e pusit të parë në Drashovicë (Vlorë). Pusi arriti thellësinë 200 metra dhe pati rezultate pozitive, pavarësisht se përfitoi sasi të vogla nafte. Rezultatet e pusit të parë nxitën interesin e kompanive më të mëdha të kohës si anglo-persianët e “APOC Oil Company” dhe amerikanët e “Standard Oil”. Që nga kjo kohë, në Shqipëri janë shpuar më shumë se 5650 puse nafte dhe gazi. Në vendburimet e gazit natyror nga rreth 500 puse të shpuar, kanë rezultuar me gaz rreth 255 puse. Në 5 vendburimet e naftës rezultojnë 4 728 puse me naftë.
Aktualisht në Shqipëri ka 12 vendburime të njohura nafte dhe 5 vendburime gazi natyror. Vetëm në zonën e Patos-Marinzës, në një sipërfaqe prej 44 mijë hektarësh, ndodhet zona më e madhe naftëmbajtëse në Europën kontinentale. Nëntoka e Patos-Marinzës llogaritet të ketë rreth 5.4 miliardë fuçi nafte bruto.
Shoqëria Albpetrol sh.a është krijuar me Vendim të Qeverisë Nr. 159 datë 20.03.1993, me kapital 100% shtetëror, e cila vepron sipas normave dhe rregullave të ekonomisë së tregut, me objekt: Kërkimin dhe prodhimin e hidrokarbureve, që përfshinte ciklin e plotë të punimeve sizmike, gjeologjike, mekanike, gjeofizike, kërkimin, nxjerrjen, përpunimin dhe marketingun e nënprodukteve të naftës.”
Sot selia e shoqërisë Albpetrol sh.a është Kilometri 7 i rrugës Fier-Patos dhe ka vartësi direkte nga Ministria e Energjisë dhe Industrisë.
Prodhimi i naftës
Prodhimi maksimal i naftës është realizuar në vitin 1974 me 2. 250. 000 ton naftë /vit (ose 6165 ton naftë/ditë e barabartë me 38. 408 fuçi/ditë). Sasia e gazit, vlerat më të larta, i ka pasur në vitin 1982 me 940. 000 .000 Nm3 gaz/vit (ose 2 575 342 Nm3 gaz/ditë).
Në keto vite numri i punonjësve në Industrinë e Naftës ku përfshiheshin rreth 34 ndërmarrje, ka qenë rreth 25.000 vetë, prej të cilëve rreth 2.800 punonjës ishin specialistë të lartë dhe të mesëm.
Deri në fund të vitit 2013, janë zbuluar dhe vënë në shfrytëzim 3 vendburime nafte në shtresa ranore dhe 9 vendburime naftë në gëlqerore. Gjithashtu gjatë kësaj periudhe janë zbuluar edhe 4 vendburime gazi natyror në shtresa ranore dhe 1 vendburim gazi kondensat në shtresë gëlqerore.
Kohët e e fundit shoqëritë SHELL dhe Petromanas ka zbuluar vendburim të ri në objektin e gëlqereve dhe po vazhdon per konturimin e plotë.
Prodhimi i naftës nga shoqëria Albpetrol sh.a për periudhën 1929-2013
Prodhimi i naftës nga Albpetrol sh.a për vitin 2013 dhe parashikimi për vitin 2014
Nga muaji Shtator 2013 Albpetrol ka dorëzuar tek kompania Phoenix Petroleum vendburimin e Amonicës me një efekt prej – 1.300 Ton Naftë Brut në 3 Mujor. Në tremujorin e parë të vitit 2014 Programi u tejkalua me rreth 1.500 Ton ose rreth 17%.
Prodhimi i Albpetrol vjen nga 3 Qendra. Qendra e Prodhimit Ballsh, Qendra e Prodhimit Patos dhe Qendra e Prodhimit Kuçovë.
Prodhimi i naftës nga Albpetrol sh.a në vendburimin Patos për vitin 2013 dhe parashikimi per vitin 2014
Prodhimi i naftës nga Albpetrol sh.a në vendburimin e Patosit për periudhën 2005-2013
Prodhimi i naftës nga Albpetrol sh.a në vendburimin e Ballshit për vitin 2013 dhe parashikimi për 2014
|
Viti |
Nr. I Puseve |
Prodhimi i Naftes (ton) |
Koha e Punes (dite) |
Debit mesatar ditor (ton/dite/puse) |
| 2005 | 119 | 52,456.0 | 40,437 | 1.297 |
| 2006 | 117 | 51,890.0 | 38,977 | 1.331 |
| 2007 | 122 | 49,240.0 | 39,111 | 1.259 |
| 2008 | 102 | 34,245.0 | 31,949 | 1.072 |
| 2009 | 95 | 28,073.0 | 27,911 | 1.006 |
| 2010 | 83 | 15,648.0 | 23,361 | 0.670 |
| 2011 | 74 | 13,942.0 | 22,824 | 0.611 |
| 2012 | 64 | 14,144.5 | 20,104 | 0.704 |
| 2013 | 50 | 12,029.6 | 15,821 | 0.760 |
Prodhimi i Naftes ne zonen e Ballshit 2005-2013*
Prodhimi i naftës nga Albpetrol sh.a në vendburimin e Kucoves për vitin 2013 dhe parashikimi për 2014
|
Viti |
Nr. I Puseve |
Nxjerrja e Naftes (ton) |
Koha e Punes (dite) |
Debit mesatar ditor (ton/dite/puse) |
| 2003 | 835 | 24,300.0 | 222,036 | 0.109 |
| 2004 | 873 | 25,112.0 | 237,319 | 0.106 |
| 2005 | 897 | 24,931.0 | 247,679 | 0.101 |
| 2006 | 943 | 25,674.0 | 269,895 | 0.095 |
| 2007 | 1,027 | 27,455.3 | 291,960 | 0.094 |
| 2008 | 1,084 | 28,791.0 | 320,882 | 0.090 |
| 2009 | 1,076 | 27,958.0 | 327,956 | 0.085 |
| 2010 | 1,081 | 26,356.4 | 326,148 | 0.081 |
| 2011 | 1,017 | 23,575.3 | 300,539 | 0.078 |
| 2012 | 962 | 20,034.5 | 272,475 | 0.074 |
| 2013 | 876 | 17,969.9 | 251,600 | 0.071 |
Prodhimi i Naftes ne zonen e Kucovës 2005-2013
Prodhim ditor i Naftes, Mars 2014
Puset e naftës
Në Shqipëri janë shpuar gjithësej rreth 5 .630 puse, nga të cilët 400 puse kërkimi, me metrazh të përgjithshëm mbi 7 .000. 000 m linear, prej të cilave 2,118,516 ml për puse kërkimi dhe 4,881,484 ml për puse shpim – shfrytëzimi. Vendburimet e naftës dhe gazit, kanë një shtrirje në rrethet Sarandë, Vlorë, Mallakastër, Fier, Lushnje dhe Kuçovë.
Të përmbledhura sipas llojit të shkëmbinjve ku gjendet nafta, rezervat gjeologjike të vlerësuara të sigurta janë:
| Në depozitimet ranore | 338.696.109 ton |
| Në depozitimet gëlqerore | 98.949.034 ton |
| Shuma gjithësej: | 437.645.143 ton |
| Rezerva te nxjerreshme jane rreth | 81.025.885ton |
| Deri më 01.01.2013 sipas llojit të shkëmbinjve janë nxjerrë gjithësej: | ||
| – Prodhim nafte në depozitimet ranore | 27.389.864, 7 ton | |
| – Prodhim nafte në depozitimet gëlqerore | 28.108.593, 61 ton | |
| Shuma gjithësej: | 55.498.458,31 ton | |
| Mbeten per tu nxjerre dhe rreth | 25 527 426,69 ton | |
Nafta që prodhohet në Shqipëri në përgjithësi është e rëndë dhe viskoze, me përmbajtje të lartë të bitumeve. Pesha specifike varion nga 8 – 38 0 API ose 0.95 – 1.0 gr/cm3.
Thellësia e puseve varion 400 – 3500 m. Debiti mesatar ditor i naftës peë pus është 0,13 – 5.0 ton naftë/ditë.
Puset e rinj
Në vendburimet ekzistuese të shoqërisë Albpetrol sh.a nga studimet e kryera më parë janë të projektuar 468 puse të rinj të cilët nuk janë hapur ende.Projekt thellësia e puseve të projektuar varion nga 800m në jug të vendburimit të Patos-Marinzës deri në 3.000 m në vendburimet gëlqerore.
Puse aktive QNP Patos
Puse Aktive QPN Kucovë
Puse aktive QPN Ballsh
Puset e fondit të ndalur
Një drejtim, zë i rëndësishëm që ndikon drejtpërdrejt në rritjen e efektivitetit të shoqërisë Albpetrol sh.a janë janë puset e fondit të ndalur. Këto janë jashtë fondit aktiv të puseve që janë në shfrytëzim. Puset janë ndaluar për arsye të ndryshme si dëmtime, pamundësi përpunuese, rentabilitet i ulët, luhatjet e çmimit të naftës në burse etj. Këtu nuk përfshihen puset e ndalur për mungesë bazë materialo-teknike, difekte mekanike, elektrike apo që kanë nevojë për kryerjen e punimeve të remontit nëntokësor
Teknika dhe teknologjia e përdorur
Për nxjerrjen e saj nga puset, sot përdoren këto mënyra shfrytëzimi:
a) Shfrytëzim i puseve me pompa të zakonshme me piston
b) Shfrytëzim i puseve me pompa të zakonshme me piston, duke injektuar hollues (tretës) hidrokarbur dhe jo hidrokarbur
Albpetrol sh.a ka planifikuar të zëvendësojë një pjesë të pompave tradicionale me pompa me burmë. Kjo teknologji është me efektivitet të lartë për mbrojtjen e mjedisit dhe kursimin e energjisë elektrike në masën 50 %, në krahasim me shfrytëzimin e puseve me pompa me piston.
Pompat me burmë janë një nga investimet kryesore të parashikuara nga shoqëria Albpetrol sh.a për vitin 2014. Ky investim pritet të rrisë ndjeshëm efektivitetin e punës së shoqërisë si dhe sasinë e naftës bruto të nxjerrë nga nëntoka shqiptare.
Pse pompat me Burmë”
90% e puseve të naftës në botë shfrytëzohen me pompa thellësie.
Teknika dhe teknologjia e shfrytëzimit të puseve me naftë viskoze, duke përdorur pompat me burmë, është mënyra më e mirë për vlerësimin e potencialit prodhues të puseve.
Pompat me burmë kanë rreth 50% më pak konsum energjie.
Pompa me burmë siguron mbrojtje maksimale të mjedisit në grykën e pusit dhe në të gjithë fushën naftë-gazmbajtese.
Studimet tregojnë se pompa me burmë mund të përdoret me efektivitet në vendburimet ranore
Nga aplikimi i kësaj teknologjie është siguruar një efektivitet prej 123 ton naftë shtesë në vit për pus.
Efektiviteti i Pompave me Burmë
Pompat me lëkundës
Ditë pune gjithsej 3467
Naftë e nxjerrë 6448.4 Ton
Debiti mesatar 1,85 Ton/ditë/puse
Koeficienti i shfrytëzimit 0.966
Konsumi i energjisë elektrike aktive 54.7 kwh/Ton
Konsumi i energjisë elektrike reaktive 325.7 kwh/Ton
Efektiviteti mesatar i arritur me këtë teknologji u konsiderua:
Rritja e debitit mesatar 14%
Ulja e energjisë aktive 14.6%
Ulja e energjisë reaktive 4 herë
Baza ligjore
Ligji nr. Nr.7746, datë 28.7.1993 “Për hidrokarburet” i ndryshuar;
Rregullore “Për Procedurat e Miratimit të Marrëveshjeve Hidrokarbure dhe Liçencë e Marrëveshjeve”, miratuar nga Ministria e Ekonomisë, Tregtisë dhe Energjetikës;
Ligji nr. 10081 datë 23.02.2009 “Për Liçencat, Autorizimet dhe Lejet në Republikën e Shqipërisë”.
Marrëveshja hidrokarbure duhet të kalojë në këto hapa procedurale për t’u miratuar:
Subjektet e interesuara paraqesin pranë AKBN (në rastin e zonave që administrohen nga AKBN) ose Albpetrol-it (në rastin e zonave që administrohen nga Albpetroli) një aplikim për të hyrë në Marrëveshje Hidrokarbure;
AKBN ose Albpetrol, brenda 15 ditëve nga marrja e aplikimit, i paraqet Ministrisë së Energjisë dhe Industrisë (MEI) dokumentacionin e nevojshëm dhe kërkesën për miratimin e fillimit të negocimeve. MEI jep aprovimin ose jo për fillimin e negociatave brenda 10 ditëve nga marrja e propozimit nga AKBN ose Albpetrol.
Në rast miratimi nga MEI të kërkesës, përfaqësuesit e AKBN apo Albpetrol fillojnë negocimin me subjektin e interesuar për Termat dhe Kushtet Kryesore të Marrëveshjes Hidrokarbure. Pasi bien dakort, dokumenti nënshkruhet nga të dy palët dhe i përcillet Ministrisë për miratim brenda 10 ditëve nga data e nënshkrimit.
MEI jep miratimin ose refuzimin e saj për Termat dhe Kushtet Kryesore të Marrëveshjes brenda 10 ditëve nga marrja e dokumentit të nënshkruar të Termave dhe kushteve kryesore të Marrëveshjes.
Në rastin e miratimit te Termave dhe Kushteve kryesore të Marrëveshjes Hidrokarbure, AKBN ose Albpetrol, fillojnë negocimet brenda 30 ditëve nga marrja e miratimit për Termat dhe Kushtet Kryesore të Marrëveshjes Hidrokarbure.
AKBN ose Albpetrol i përcjellë Ministrisë për miratim draftin përfundimtar të Marrëveshjes Hidrokarbure brënda 15 ditëve nga data e firmosjes së tij, në çdo faqe nga palët. Kur drafti çohet për oponencë, atëherë rinegocimi dhe rishikimi i draftit bëhen brenda 20 ditëve nga data e marrjes së oponencës.
Drafti i nënshkruar nga palët, mund të dërgohet nga MEI për oponencë si dhe për rishikim nga ana fiskale dhe ligjore, përkatësisht në Ministrinë e Financave dhe Ministrinë e Drejtësisë.
Rinegocimi dhe rishikimi i draftit në vijim të oponencës dhe opinioneve që mund të kenë nga ana fiskale dhe ligjore ministritë përkatëse kryhet brenda 20 ditëve nga marrja e oponencës dhe opinioneve, dhe pasi është rënë dakord për rinegocimin dhe rishikimin dërgohet në MEI brenda 10 ditëve.
MEI nënshkruan Marrëveshjen Hidrokarbure brenda 10 ditëve nga marrja e marrëveshjes së rinegociuar, në rastin e zonave të administruara nga AKBN, dhe më pas e dërgon për miratim përfundimtar në Këshillin e Ministrave.
MEI jep miratimin për nënshkrimin e Marrëveshjes Hidrokarbure brenda 10 ditëve nga marrja e marrëveshjes së rinegociuar, në rastin e zonave të administruara nga Albpetrol, dhe më pas e dërgon për miratim përfundimtar në Këshillin e Ministrave.
Liçensë Marrëveshja duhet të kalojë në hapat e mëposhtme për t’u miratuar.
Albpetrol paraqet, brenda 10 ditëve nga miratimi nga MEI i Termave dhe Kushteve Kryesore të Marrëveshjes Hidrokarbure, pranë AKBN kërkesën për t’u pajisur me Licencë Marrëveshje;
AKBN përgatit brënda 30 ditëve dhe i dërgon Albpetrol-it draftin e Licencë Marrëveshjes i cili diskutohet mes Albpetrol-it dhe AKBN për një periudhë kohore 50 ditësh.
Drafti përfundimtar, i nënshkruar në çdo faqe, paraqitet brenda 10 ditëve në MEI për miratim dhe nënshkrim.
MEI brenda 10 ditëve nënshkruan apo kërkon bërjen e ndryshimeve. Në rast të ndryshimeve, këto duhet të kryhen brenda 30 ditëve dhe drafti i rishikuar i Licencë Marrëveshjes riparaqitet për nënshkrim.
Liçencë Marrëveshja nënshkruhet nga Ministri dhe Albpetrol brenda 10 ditësh nga data e miratimit të Marrëveshjes Hidrokarbure nga Ministri.
Kompanitë
Albpetrol sh.a kontrollon pjesën më të madhe të vendburimeve dhe depozitave të naftës në Shqipëri. Duke filluar nga viti 2004, në territorin e Republikës së Shqipërisë veprojnë 5 kompani, të cilat kanë nënshkruar Marrëveshje Hidrokarbure më Albpetrol sh.a. Ndërkohë një “jointventure” e krijuar nga Petromanas dhe Royal Dutch Shell ka lejen për kërkim në zonën e Shpiragut, Berat.
Kompanitë:
Sherwood International Petroleum Ltd
Phoenix Petroleum sh.a
| Vendburimet | Marreveshjet Hidrokarbure |
| Vendburimi – Patos Marinza | Albpetrol sh.a & Bankers Petroleum Ltd. Miratuar ngaKëshilli i Ministrave, Nr. iVendimi 477, datë 16.7.2004 |
| Vendburimi i Kuçovës | Albpetrol sh.a & Sherwood International Petroleum Ltd. ( degë e Bankers Petroleum Ltd.) Miratuar nga Keshilli i Ministrave, Nr. 686 i Vendimit, datë 19.10.2007 |
| Vendburimi i Cakran – Mollaj | Albpetrol sh.a & Stream Oil & Gas Limited. Miratuar ngaKeshilli i Ministrave, Nr. 509, datë 8.8.2007 |
| Vendburimi i Ballsh- Hekal | Albpetrol sh.a & Stream Oil & Gas Limited. Miratuar nga Këshilli i Ministrave, Nr. 509, datë 8.8.2007 |
| Vendburimi i Gorisht – Kocul | Albpetrol sh.a & Stream Oil & Gas Limited. Miratuar nga Këshilli i Ministrave, Nr. 509, datë 8.8.2007 |
| Blloku i Delvinës | Albpetrol sh.a & Stream Oil & Gas Limited |
| Albpetrol sh.a & Stream Oil & Gas Limited. Miratuar nga Këshilli i Ministrave, Nr. 509, datë 8.8.2007 | |
| Vendburimi i Visokës | Albpetrol sh.a & IEC Visoka Inc (Transoil grup sh.a). Miratuar nga Këshilli i Ministrave. Nr. 90 i Vendimit, datë 27-1-2009 |
| Phoenix Petroleum sh.a | Albpetrol sh.a & Phoenix Petroleum sh.a.Miratuar nga Këshilli i Ministrave në datë 16.08.2013 |
Marrëveshjet Hidrokarbure lejojnë palët e treta të kryejnë operacione hidrokarbure në zonat e sipërcituara. Bazuar në këto marrëveshje, e drejta e shoqërisë Albpetrol sh.a për të kryer operacione Hidrokarbure është e kufizuar , por ndërkohë shoqërisë i njihen disa të drejta të rëndësishme.
Bankers Petroleum Albania
Bankers Petroleum është investitori i huaj më i madh në Shqipëri në fushën e naftës në Shqipëri. Bazuar në marrëveshjen e liçencës të nënshkruar me AKBN-në dhe Marrëveshjen Hidrokarbure me Albpetrol sh.a, Bankers Petroleum operon dhe ka të drejta të plota zhvillimi në zonën e Patos-Marinzës dhe Kuçovës për 25 vjet. Patos-Marinza është edhe zona më e madhe naftëmbajtëse në Europën Kontinentale. Parashikohet që në zonën e Patos-Marinzës gjenden rreth 5.4 miliardë fuçi nafte. Zona e Kuçovës parashikohet të ketë 297 milionë fuçi nafte.
Bankers Petroleum zotëron liçencën 7 vjecare të eksplorimit për zonën e quajtur “Blloku F”, një vazhdim i zonës së Patos-Marinzës, e cila ka edhe perspektivën e gazit natyror.
Kohëzgjatja e Marrëveshjeve Hidrokarbure
Bankers Petroleum Albania Ltd. (1 Marrëveshjeve Hidrokarbure)
Data e hyrjes në fuqi: 16.07.2004
Periudha e Vlerësimit: 18+6 muaj nga Data Efektive
Periudha e Zhvillimit dhe Prodhimit: 25+5 vjet nga Data Efektive
Sherwood International Petroleum Ltd. (1 Marrëveshje Hidrokarbure)
Data e hyrjes në fuqi: 19.10.2007
Periudha e Vlerësimit: 39 muaj nga Data e hyrjes në fuqi
Periudha e Zhvillimit dhe Prodhimit: 25+5
Transoilgroup sh.a. (1 Marrëveshje Hidrokarbure)
Data e hyrjes në fuqi: 27.01.2009
Periudha e Vlerësimit: 18+6 muaj nga Data Efektive
Periudha e Zhvillimit dhe Prodhimit: 25+5 vjet nga Data Efektive
Stream Oil & Gas Limited (4 Marrëveshje Hidrokarbure)
Data e hyrjes në fuqi: 08.08.2007
Periudha e Vlerësimit: 18+6 muaj nga Data Efektive
Periudha e Zhvillimit dhe Prodhimit: 25+5 vjet nga Data Efektive
Phoenix Petroleum sh.a. (9 Marrëveshje Hidrokarbure)
Data e hyrjes në fuqi: 16.08.2013
Periudha e Vlerësimit: 18+6 muaj nga Data Efektive
Periudha e Zhvillimit dhe Prodhimit: 25+5 vjet nga Data Efektive
Shënim: Marreveshja “Për zhvillimin dhe prodhimin e hidrokarbureve në vendburimin e Amonicës” mbyllet më datë 17 Maj, 2014.
Emanuelle Adriatic Energy Ltd. (offshore, 1 Marrëveshje Hidrokarbure)
Data e hyrjes në fuqi: 06.06.2012
Periudha e Kërkimit:
Faza I: 2.5 vjet + 180 ditë nga Data Efektive
Faza II: 2.5 vjet + 180 ditë nga Data Efektive
Faza II: 2 vjet + 180 ditë nga Data Efektive
Periudha e Vlerësimit: Periudhë x e përcaktuar në varësi të disa rrethanave + 6 muaj nga Data Efektive
Periudha e Zhvillimit dhe Prodhimit: 25+5 vjet nga Data Efektiv
Royal Dutch Shell dhe Petromanas
Dy shoqëritë kanë njoftuar se testimet e kryera në zonën e Shpiragut (Berat) kanë dhënë rezultate shumë pozitive. Për këtë arsye po kryhen operacionet e kërkimit në një pus të tretë në zonën e Mulishtit. Në rast se operacionet rezultojnë me sukses, rezervat naftëmbajtëse të Shqipërisë mund të dyfishohen. Royal Dutch Shell zotëron 75% të aksioneve dhe ka statusin e investitorit ndërsa Petromanas zotëron 25% të aksioneve dhe ka statusin e operatorit.