Kategori: Lajme dhe njoftime

Albpetrol is a trade company that owns the rights for exploration, development and production of existing oilfields in the Republic of Albania.

We are currently operating the Patos-Marinza oilfield, by means of a Petroleum Agreement we have signed with Bankers Petroleum Albania Ltd. (former Saxon International Petroleum Ltd.), an offshore company incorporated and existing under the Cayman Law.

On 25 September 2015, Bankers Petroleum Albania Ltd. (the Claimant) has filed an application for arbitration at the International Chamber of Commerce (ICC) (ICC 21349 EMT) on the dispute regarding the recoverable costs.

First hearing by the Tribunal is set on December 14, 2015.

Please keep in mind that all disputes that are subject to arbitration in accordance with the Petroleum Agreement, are governed by the laws of England.

To ensure a successful and high-profile professional defense, we want to invite all interested lawyers and law firms specialized in the international arbitration of the International Chamber of Commerce (ICC).

This meetings shall take place in Tirana, Albania, on 23-27 November 2015.

All interested parties should be well-known and reputed in the field of practice according to rankings of the international leading legal guides governments and state-owned entities.

Also, all interested parties should have extensive experience in representation of the disputes derived from oil & gas industry.

All interested parties should contact us via email on: info@albpetrol.al.

Përfaqësuesit e shoqërisë Albpetrol sh.a morën pjesë më datë 17 Shkurt 2014 në Seminarin “Master Plani – Studimi i Fizibilitetit të Tregut të Gazit në Shqipëri”, i organizuar nga Ministria e Energjisë dhe Industrisë në bashkëpunim me gjigantin botëror të gazit SOCAR. Ky takim i rëndësishëm mblodhi për herë të parë në një tryezë të përbashkët përfaqësuesit e SOCAR, Shell, British Petroleum, WBIF, TAP AG, KESH, Albpetrol, ECS, DG Energy, EBRD etj.
Gjatë takimit Ministri i Energjisë dhe Industrisë, Damian Gjiknuri, vuri theksin tek rëndësia e procesit të gazifikimit të Shqipërisë dhe realizimi i projektit të gazsjellësit TAP, pjesë e korridorit jugor të gazit. Ministri shpjegoi se është me rëndësi të madhe që kompanitë vendase të mund të bëhen pjesë direkt e fazës së ndërtimit të rrugëve të aksesit në Shqipëri, por edhe në çdo fazë tjetër të projektit si nënkontraktorë.
Në takim diskutuan përfaqësues të të gjitha kompanive të interesuara në proces duke vënë theksin tek rëndësia e projektit të gazifikimit të Shqipërisë, por edhe në hartimin e një Master Plani gjithëpërfshirës dhe afatgjatë për çështjen e gazit në vendin tonë.
Përfaqësuesit e Albpetrol sh.a, morën pjesë në këtë takim si palë e interesuar direkt në procesin e gazifikimit të Shqipërisë, por edhe si kompania shtetërore e naftës, e cila zotëron të drejtat e shpërndarjes së gazit në Shqipëri. Drejtori i Marrëveshjeve Hidrokarbure në Albpetrol sh.a, z. Andi Derhemi, bëri një rezyme të situatës të rrjetit të gazit në Shqipëri si dhe të mundësive që paraqiten për industrinë e gazit në vendin tonë.
Projekti i gazifikimit të Shqipërisë u mbështet nga të gjithë të pranishmit në takim dhe gjigantët botërorë SOCAR, Shell dhe British Petroleum ofruan asistencën e tyre në këtë proces. Gjithashtu Bashkimi Europian ka dhënë një fond prej 1.1 milionë eurosh për të përfunduar Master Planin për gazifikimin e vendit.

Shoqëria Albpetrol sh.a ka zhvilluar analizën e punës së saj për 9 mujorin e vitit 2014, nga e cila rezulton një shifër rekord faturimesh dhe kontributesh në buxhetin e shtetit. Për herë të parë pas shumë vitesh shoqëria Albpetrol sh.a është kthyer në një nga financuesit më të mëdhenj në buxhetin e shtetit.

Gjatë 9 muajve të parë të vitit 2014 shoqëria Albpetrol sh.a ka faturuar për shitje dhe shpenzime më tepër se 9 miliardë lekë të reja. Kjo është një rritje e ndjeshme në krahasim me të njëjtën periudhë të një viti më parë kur shifra e faturimeve ishte 4 miliardë lekë të reja, ose 46 milionë USD me pak.

Rritja e faturimeve dhe të ardhurave të shoqërisë Albpetrol sh.a ka ndikuar drejt për drejtë në rritjen e kontributeve që shoqëria jonë ka derdhur në buxhetin e shtetit. Gjatë kësaj periudhe Albpetrol sh.a ka derdhur në buxhetin e shtetit rreth 35 milionë USD, ose 12 milionë USD më shumë se e njëjta periudhë e vitit të kaluar.

Kjo rritje e faturimeve dhe të ardhurave i ka mundësuar shoqërisë Albpetrol sh.a që përveçse të rrisë kontributet në buxhetin e shtetit, të arrijë të shlyejë edhe të gjitha borxhet e grumbulluara gjatë viteve të kaluar. Vlen të theksohet se Albpetrol sh.a vetëm ndaj OSHEE ka shlyer gjatë vitit 2014 më shumë se 10 milionë USD detyrime dhe kamatë vonesa të krijuara nga viti 2008 deri në vitin 2013.

Një tjetër tregues i përmirësuar ndjeshëm gjatë 9 muajve të parë të vitit 2014 nga shoqëria Albpetrol sh.a është edhe ulja e humbjeve fizike në Ton. Rezultati i 9 muajve të parë, por edhe rezultati i pritshëm i fundvitit është rezultati më i mirë i 24 viteve të fundit (nga viti 1991 e deri më sot). Në fund të vitit shoqëria Albpetrol sh.a parashikon që niveli i humbjeve fizike të jetë 650 ton naftë në një kohë kur në vitin 2013 humbjet fizike arritën shifrën e frikshme prej 7259 tonëve naftë me një vlerë prej më tepër se 4 milionë USD.

Shoqëria Albpetrol sh.a ka marrë pjesë në panairin “Work & Study” të zhvilluar në datat 3-4-5 Tetor në Tiranë duke pasur një stendë të sajën ku janë ekspozuar mundësitë e punësimit në shoqërinë tonë. Panairi është organizuar nga Dhoma Kombëtare e Tregtisë dhe Industrisë me mbështetjen e Ministrisë së Mirëqenies Sociale dhe Ministrisë së Arsimit dhe Sportit. Ky ishte edicioni i pestë i panairit dhe në të morën pjesë rreth 40 kompani të ndryshme.
Në këtë panair janë prezantuar 3646 vende vakante pune, ose 20% më shumë se vitin e kaluar. Gjatë panairit u prezantuan vendet e lira të punës në shoqërinë Albpetrol sh.a dhe u pranuan aplikime nga të interesuarit duke pasur në konsiderate kriteret e përcaktuara paraprakisht nga Drejtoria e Burimeve Njerëzore për secilin post pune.
Qindra persona vizituan stendën e Albpetrol sh.a duke u interesuar për mundësitë e punësimit. Rreth 120 prej tyre kanë depozituar CV-të e tyre, të cilat do të shqyrtohen nga shoqëria jonë. Pjesa më e madhe e aplikantëve ishin me arsim të lartë në degate inxhinierisë së naftës, asaj elektrike, mekanike, ndërtimi dhe fushën e ekonomisë.

Shoqëria Albpetrol sh.a është njohur sot me lajmin e shpërndarë në media nga Kontrolli i Lartë i Shtetit dhe dëshirojmë që të sqarojmë opinionin publik për të vërtetën mbi këtë rast. Materiali i publikuar sot në media është akti i fundit në vazhdën e presioneve dhe shantazheve që janë ushtruar përgjatë katër muajve të fundit nga inspektorët e KLSH-së mbi një pjesë të drejtuesve të Albpetrol sh.a. Të gjitha këto presione dhe shantazhe janë kryer me urdhër direkt të kryetarit të Kontrollit të Lartë të Shtetit, Bujar Leskaj.

Pa dashur që të komentojmë rreth arsyeve personale dhe politike që e shtyjnë këtë person të kryejë veprime të tilla të paligjshme, dëshirojmë që të informojmë opinionin publik lidhur me deklarimet spekulative; të gënjeshtërta; konfuze, por edhe në mospërputhje me raportin përfundimtar të kontrollit të vetë KLSH-së.

Kontrolli i Lartë i Shtetit i faturon si dëm ekonomik administratës aktuale të Albpetrol sh.a vlerën 9.1 milionë dollarë në një kohë kur ky dëm është shkaktuar përpara datës 1 Tetor 2013, kur ka filluar punë administrata e re. Për më tepër ky dëm është tentuar që të fshihet nga ana e KLSH-së në kontrollin e zhvilluar në Gusht 2013 dhe është zbuluar nga Auditi i Ministrisë së Energjisë dhe Industrisë në  muajin Nëntor 2013. Për këtë çështje shoqëria Albpetrol sh.a ka depozituar një Kallzim Penal në Prokurorinë e Rrethit Fier më datë 13.12.1013.

KLSH bën fajtor Administratën aktuale për njohjen e zbritjes së holluesit të naftës ndërkohë që Marrëveshja për zbritjen e holluesit është nënshkruar në vitin 2011 dhe për më tepër është anuluar si e paligjshme nga administrata aktuale më datë 06.11.2013.

Në mënyrë të qëllimshme KLSH bashkon diferencën prej rreth 5.000 ton naftë bruto bashkërisht në vitet 2013-2014, ndërkohë që kjo diferencë është konstatuar për periudhën përpara datës 1 Tetor 2013. Pra bëhet fjalë për një shkelje të ndodhur në administratën e kaluar dhe që për më tepër Albpetrol sh.a ka depozituar në prokurori dy kallëzime penale për këtë çështje më datat 13.12.1013 dhe 14.01.2014. Në vend që për këtë dëm KLSH të bëjë përgjegjës personat që kanë drejtuar në periudhën kur është shkaktuar humbja, në mënyre abuzive bëhen fajtorë personat që e kanë marrë detyrën më datë 01.11.2013.

Për sa i takon dëmit ekonomik të pretenduar nga KLSH të shkaktuar nga largimi i punonjësve nga puna me pushim kolektiv, në mënyrë tendencioze KLSH ia faturon këtë dëm administratës aktuale në një kohë kur kjo administratë nuk ka asnjë vendim gjyqësor të përfunduar. Vendimet e përmendura nga KLSH janë të administratës së kaluar. Vetë KLSH saktëson se dëmi është shkaktuar në vitet 2008-2013, por asnjë herë nuk ia ka cilësuar si dëm administratës së kaluar dhe me papërgjegjshmëri ia faturon drejtuesve që kanë filluar punë në Tetor 2014.

KLSH në mënyrë tendencioze deklaron që Albpetrol sh.a ka nënshkruar një kontratë shitje me një kompani koncesionare, në një kohë kur ka dijeni të plotë se Albpetrol sh.a ka arkëtuar shumat për naften që kjo kompani nuk ja kishte dorëzuar Albpetrol në vitet 2011-2012. KLSH nuk ka propozuar asnjë masë për këtëçështje në vitet 2011 dhe 2012, por në mënyrë kontradiktore deklaron se ky veprim ka shkaktuar dëm ekonomik. Ky veprim jo vetëm që nuk ka shkaktuar dëm, por përkundrazi është realizuar një përfitim rreth 2.500.000 USD më i lartë se përfitimi që do të realizohej nëse e njëjta sasi do të shitej me çmimin e ankandeve të viteve 2012 dhe 2013. Çmimi i arkëtuar nga Albpetrol sh.a prej 73.96 USD/barelë është çmimi më i lartë i realizuar në vitet e fundit. Për krahasim, në Gusht 2013 është nënshkruar nga Albpetrol një kontratë për shitjen e 30.000 Ton naftë me çmimin 60% brent, e cila në vlerat e sotme të Brent nënkupton 55 USD/barelë.

Megjithëse drejtuesit e Albpetrol i bënë me dije KLSH-së dyshimet për paligjshmërinë e kësaj kontrate Kryetari i grupit, në mënyrë të dyshimtë nuk pranoi ta kontrollojë.

Shoqëria Albpetrol sh.a njofton se do të fillojë pagesën e shpërblimit të vjetërsisë në punë për punonjësit e trajtuar me V.K.M.Nr. 106 datë 01.02.2012. Në total janë 649 ish-punonjës të cilët do të përfitojnë pagesat për vjetërsinë në punë. Pagesa për shpërblimin e vjetërsisë do të fillojnë që të paguhen në muajin Nëntor 2014.

Për këtë arsye njoftohen të gjithë ish-punonjësit që e gjejnë emrin në listën e mëposhtme që të paraqiten pranë qendrave ku kanë punuar për të dhënë opsionet e tyre për mënyrën e pagesës për përfitimin e vjetërsisë.

Lista e punonjesve te shoqerise Albpetrol sh.a Patos, qe jane trajtuar me V.K.M.Nr.106 date 01.02.2012 ne tre periudhat e percaktuara Nentor,Dhjetor,Janar sipas qendrave perkatese te punes.

Administratori i shoqërisë Albpetrol sh.a, Z. Endri Puka mori pjesë më datë 29 Korrik 2014 në Analizën e 300 ditëve të para të qeverisjes të organizuar nga Ministria e Energjisë dhe Industrisë. Në këtë konferencë ishin të pranishëm Zv. Kryeministri Niko Peleshi; Ministri i Energjisë dhe Industrisë Damian Gjiknuri si dhe drejtuesit e Agjencisë Kombëtare të Burimeve Natyrore; KESH; Operatorit të Sistemit të Shpërndarjes; Shërbimi Gjeologjik Shqiptar; Inspektoratit Qendror Teknik; Agjencia Kombëtare e Bërthamore; RISHM-i etj.

Gjatë fjalës së tij Zv. Kryeministri Peleshi vlerësoi punën e mirë e kryer në sektorin e hidrokarbureve duke theksuar se tashmë ky sektor është një nga kontribuuesit më të mëdhenj në buxhetin e shtetit shqiptar. Sipas tij, shifrat e 300 ditëve të para janë shpresëdhënëse dhe se në të ardhmen sektori i hidrokarbureve do të rrisë ndjeshëm performancën e tij.

Në të njëjtën linjë ishte edhe ministri Gjiknuri, i cili theksoi se rezultatet e deri më tanishme e institucioneve si Albpetrol dhe AKBN janë tepër të mira. “Sektori fitimprurës, i prodhimit të naftës po rritet, me planet e zhvillimit që kemi mbi tryezë. Shqipëria do të kapë rekordet historike të prodhimit të naftës. Ne do të kryejmë procesin më transparent për prodhimin e hidrokarbureve, në të cilin shteti do marrë pjesën që i takon, në mënyrë që të mos nëpërkëmbet interesi shtetëror”,- tha ministri Gjiknuri.

Ndërkohë administratori i Albpetrol sh.a shpjegoi shkurtimisht disa nga arritjet e 300 ditëve të para. “Vetëm në 6 muajt e parë të vitit Albpetrol sh.a ka rritur kontributet në buxhetin e shtetit

shqiptar me 1.2 miliardë lekë, ose 63% me shumë se e njëjta periudhe e vitit të kaluar. Brenda

300 ditëve të para të administratës së re prodhimi i naftës nga vetë shoqëria Albpetrol sh.a është rritur me 41%. Nga 80.5 që prodhohej në Shtator 2013, sot prodhojmë 127.2 Ton naftë në ditë”,- tha administratori i Albpetrol sh.a, Z. Endri Puka. Sipas tij, vetëm gjatë 300 ditëve të para të punës është shtuar numri i puseve aktive të vetë shoqërisë Albpetrol sh.a nga 786 në 847 puse nafte aktive.

Gjatë 300 ditëve të para shoqëria Albpetrol sh.a i është nënshtruar një ristrukturimi të thellë duke larguar të gjithë punonjësit e marrë në punë mbi organikën e nevojshme dhe duke rikthyer në punë rreth 500 specialistë të vjetër të naftës, të cilët ishin larguar padrejtësisht nga puna vetëm për shkak të bindjeve të tyre politike. “Paketa e re fiskale e hyrë në fuqi më 1 Janar 2014 si dhe bashkëpunimi i ngushtë me Albpetrol sh.a, ka sjellë dyfishimin e pagesave të kryera nga kompanitë e Marrëveshjeve Hidrokarbure ndaj buxhetit të shtetit. Vetëm gjatë 300 ditëve të para është ulur ndjeshëm borxhi që i kishin Albpetrol sh.a kompanitë e Marrëveshjeve Hidrokarbure. Nga 67606 Ton naftë që ishte borxhi në vitin 2013, sot borxhi është në shifrat 8241 Ton naftë,pra është ulur me 59365 Ton”,- u shpreh administratori i Albpetrol sh.a.