Kategori: Lajme dhe njoftime

Znj. Iraida Zoto dhe Znj. Parashqevi Laçka janë vlerësuar për kontributin e tyre në industrinë e naftës prej më shumë se 35 vitesh secila

Shoqëria Albpetrol sh.a ka nderuar në një ceremoni të veçantë dy zonja të nderuara, të cilat për më shumë se 35 vite secila kanë punuar në industrinë e naftës. Znj. Iraida Zoto dhe Znj. Parashqevi Laçka kanë mbushur moshën e pensionit dhe në ditën e tyre të fundit të punës, janë nderuar në një ceremoni të veçantë.

Znj. Iraida Zoto ka nisur punë në industrinë e naftës në vitin 1984 si galvanizuese në Uzinën Mekanike të Naftës në Kuçovë. Ndërkohë Znj. Parashqevi Laçka ka nisur punë po në këtë vit në Qendrën e Prodhimit të Naftës Kuçovë. Me rastin e daljes në pension, shoqëria Albpetrol iu dorëzoi të dy zonjave një “Certifikatë Mirënjohje” për punën dhe përkushtimin e tyre.

Gjatë ceremonisë të zhvilluar në qytetin e Kuçovës u vlerësua roli dhe kontributi i këtyre dy zonjave në industrinë e naftës si dhe u prezantua vizioni i ri i shoqërisë, i cili do të ketë vëmendjen maksimale për secilin punëtor, duke u fokusuar sidomos tek punonjësit e thjeshtë.

Kaldaja nuk ishte në punë prej dy vitesh duke krijuar vështirësi në proceset e punës. Riparimi u krye nga vetë ekipet e Albpetrol sh.a

Ekipet e shoqërisë Albpetrol sh.a kanë rivënë në punë kaldajën e vendburimit të Amonicës, e cila nuk funksiononte prej dy vitesh. Mungesa e kësaj kaldaje kishte krijuar probleme të mëdha në prodhimin dhe trajtimin e naftës në këtë vendburim, pasi fluidi transportohej me autobote në Gorisht ku i nënshtrohej procesit të dekantimit. Në sajë të një investimi minimal dhe punës të mirë të bërë nga vetë punonjësit e Albpetrol, Kaldaja e Amonicës tashmë punon me funksionalitet të plotë duke përmirësuar ndjeshëm kushtet e trajtimit të naftës.

Tashmë, kaldaja e re mund të përpunojë deri në 120 metër kub fluid në 48 orë duke trajtuar naftën sipas parametrave zyrtarë të shitjes. Kjo do të sjellë një ulje të kostove të transportit të naftës dhe zvogëlim të kohës të përpunimit të saj. Vënia në punë e kaldajës në Gorisht sjell optimizimin e fuqisë punëtore dhe rritje të të ardhura për kompaninë. Investimet po vijojnë edhe në qendrat e tjera të punës duke u fokusuar tek përmirësimi i performancës të shoqërisë.

       

Administratorja e re e shoqërisë Albpetrol sh.a, Znj. Eriola Muka, ka zhvilluar takimin e parë të punës me strukturën drejtuese të shoqërisë dhe të qendrave ku ka prezantuar prioritetet për menaxhimin e shoqërisë Albpetrol. Znj. Muka, e cila zëvendësoi në këtë pozicion Z. Dritan Spahiu, vjen nga një eksperiencë 20 vjeçare në sektorin publik dhe atë privat.

Zv. Ministri i Infrastrukturës dhe Energjisë, Z. Ilir Bejtja, i cili ishte i pranishëm në takim, vuri theksin tek nevoja për reformimin e shoqërisë Albpetrol sh.a dhe tek fakti që kërkesat e Ministrisë të Infrastrukturës dhe Energjisë ndaj kësaj shoqërie janë shumë të larta. “Administratorja e re ka mbështetjen maksimale të Ministrisë. Znj. Muka ka planin dhe idetë e qarta se si do të zhvillohet shoqëria në të ardhmen. Ne si Ministri besojmë se me mbështetjen tuaj Administratorja e re do të arrijë objektivat dhe do të bëjë një punë të shkëlqyer”,- u shpreh Zv. Ministri i Infrastrukturës dhe Energjisë, Z. Bejtja.

Gjatë takimit të parë me stafin, Znj. Muka vuri theksin tek aspektet kryesore të menaxhimit të shoqërisë, e cila operon në një nga sektorët më të rëndësishëm dhe me kontribut më domethënës në ekonominë e vendit. “Do të fillojmë me ngritjen e një sistemi të menaxhimit të integruar të informacionit, për aktivitetin e shoqërisë Albpetrol sh.a. Një vëmendje të veçantë do të ketë informatizimi i të dhënave në sektorin financiar; buxhetor dhe në atë të burimeve njerëzore. Gjithashtu do të përditësojmë informacionin mbi vendburimet, puset e naftës, kapacitetet prodhuese, jetëgjatësinë e tyre, si dhe dixhitalizimin e informacioneve hartografike dhe të dhënave të secilit vendburim, një pasuri dhjetëra vjeçare e Albpetrol sh.a”,- tha Administratorja Muka në takimin me stafin drejtues.

Do vijojmë me ritme të shpejta dhe hapa të qëndrueshëm, reformën e ristrukturimit të shoqërisë Albpetrol sh.a, përmirësimin e kushteve të punës dhe të sigurisë për punonjësit si dhe përmirësimin e sistemit të pagave. Në këtë fushë do të punohet me ngulm për të arritur një optimizim sa më të mirë të fuqisë punëtore të shoqërisë që kompania të jetë më eficiente.

“Në fokusin e punës time është përmirësimi i imazhit të shoqërisë. Albpetrol është një kompani kombëtare me potencial shumë të madh dhe ne do të punojmë që të rrisim kredibilitetin në tregun vendas, por edhe tek partnerët ndërkombëtarë. Interesimi për naftën shqiptare është i madh dhe ne synojmë që Albpetrol të aplikojë standardet më të mira të operimit, si një shoqëri e mirëfilltë tregtare, në sektorin hidrokarbur në Shqipëri”,- tha administratorja Muka. Sipas saj, e ardhmja e Albpetrol do të ngrihet bazuar në praktikat më të mira ndërkombëtare, të cilat do të aplikohen në shoqërinë shtetërore të prodhimit të naftës në Shqipëri.

Shoqëria Albpetrol sh.a njofton të gjithë personat e interesuar se ka nisur lëshimi i vërtetimeve të posaçme të konfirmimit të llojit të punës, në zbatim të Ligjit Nr.29/2019 datë 23.05.2019 “Për trajtimin financiar, suplementar të punonjësve që kanë punuar në miniera në nëntokë, të punonjësve të industrisë së naftës e të gazit dhe të punonjësve që kanë punuar në metalurgji”.

Të gjithë personat e interesuar për t’u pajisur me këtë vërtetim te posacem të konfirmimit të llojit të punës për të gjithë periudhën e punuar në Albpetrol sh.a. dhe me bazën e vlerësueshme të të ardhurave për periudhën pas vitit 1994, duhet të aplikojnë në sportelin e ngritur enkas pranë shoqërisë Albpetrol sh.a në adresën: Albpetrol sh.a, Km.7 i rrugës Fier Patos.

Ndërkohë për t’i ardhur sa më pranë qytetarëve, shoqëria Albpetrol sh.a ka hapur edhe dy sportele të tjera:

Kuçovë, Qendra e Prodhimit të Naftës

Gorisht, Qendra e Prodhimit të Naftës

Çdo person i interesuar duhet të plotësojë formularin përkatës, i cili mund të shkarkohet online në faqen e Albpetrol sh.a www.albpetrol.al ose të tërhiqet fizikisht pranë sportelit përkatës.

Aplikuesi duhet të ketë më vete: Një kopje të Librezës të Punës, një kopje të kartës të identitetit, të noterizuara si dhe vertetimin per vjetersine ne pune te leshuar nga Instituti i Sigurimeve Shoqerore. Këto kopje do të mbahen nga Albpetrol sh.a dhe nuk do t’i kthehen mbrapsht aplikuesit.

Aplikimet do të shqyrtohen nga një komision i posaçëm, i cili do të kthejë përgjigje brenda afatit prej 10 ditësh pune.

Kliko mbi

Formular aplikimi

per te shkarkuar formularin

Prenotimi i kapaciteteve të gazit natyror të Gazsjellësit TAP për tregun shqiptar për 10 vitet e ardhshme do të jetë në fokusin e dy kompanive shtetërore të naftës dhe gazit, Albpetrol dhe Albgaz. Drejtuesit e të dy këtyre kompanive zhvilluar një takim në mjediset e Albpetrol sh.a ku u diskutua me detaje nisja e procedurës “Market Test”, e cila nënkupton prenotimin e kapaciteteve të gazit natyror të Gazsjellësit TAP për tregun shqiptar për periudhën 2020 – 2030.

“Market Test”, bën të mundur sigurimin e volumeve të gazit për tregun shqiptar, të paktën 1.7 miliardë metër kub në vit, si për atë rezidencial-familjar, si atë industrial për ndërmarrjet shqiptare, por edhe për tregun shumë të mirëpritur dhe strategjik të prodhimit të energjisë elektrike, siç është TEC-i i Vlorës apo ai i Korçës.

 

Kompania Koreano Jugore, Yura Corporation do të investojë 13 milionë euro dhe do të hapë 4.000 vende pune në “ish-bazën e tubave” të shoqërisë Albpetrol sh.a

Ka nisur në Fier ndërtimi i një vepre industriale të kompanisë Koreano Jugore, Yura Corporation, për pjesët teknologjike të autoveturave. Kjo kompani do të investojë 13 milionë euro. Në fazën e parë do të hapë 600 vende të reja pune, në të dytën 1100 dhe pritet që deri në fazën e tretë të hapen 4 mijë vende pune. Hapësira që ka marrë kompania Yura Corporation është “ish-baza e tubave” të shoqërisë Albpetrol sh.a.

Në fjalën e tij kryeministri Rama tha se kemi hyrë në një epokë të re, në tregun e automobilave pas një procesi të gjatë pengesash dhe një procesi jo të shkurtër negocimi. “Sot kemi hyrë në epokë të re dhe falë pranisë së kësaj kompanie prestigjioze çelim siparin e një faze ku të tjera kompani në tregun e automobilave do shfaqen duke plotësuar dhe zhvilluar një mozaik që ka disa gurë të vegjël në Elbasan e Librazhd në disa filiale modeste, por premtuese dhe këtë gur të rëndësishëm siç është Yura, pas një procesi të gjatë pengesash dhe një procesi jo të shkurtër negocimi”.

Kryeministri theksoi se mes shumë vendesh të Europës kompania Yura Corporation zgjodhi Shqipërinë dhe Poloninë, falë transformimit të programit të Shqipërisë një euro, nga një program për falje uzinash, kapanonesh e pronash shtetërore të mbetura djerrë si rezultat i kontratave tërësisht të pambështetura në plane serioze e kompani serioze investimesh, në një program real investimi. “Yura ka zgjedhur të çelë një filial në Poloni e Shqipëri mes shumë zgjedhjesh në Europë.

Kemi transformuar programin e Shqipërisë një euro, nga një program për falje uzinash, kapanonesh e pronash shtetërore të mbetura djerrë si rezultat i kontratave tërësisht të pambështetura në plane serioze e kompani serioze investimesh në një program real investimi që na sjell përmes Yurës 600 vende të reja pune dhe një fazë të dytë afro 1100, duke synuar që suksesi i këtyre dy fazave të para të na çojë te një fazë të tretë siç e parasheh kompania për të arritur në 4 mijë punonjës në rang vendi në Shqipëri,” tha Rama.

Kjo hapësirë industriale në Zhupan të Fierit ishte në pronësinë e shoqërisë tonë dhe ju dha Ministrisë të Financave dhe Ekonomisë, e cila përmes Agjencisë për Zhvillimin e Investimeve të Huaja bëri të mundur kalimin tek kompania Koreano Jugore. Gjatë fjalës përshëndetëse, Drjejtori i AIDA, Sokol Nano, falënderoi shoqërinë Albpetrol sh.a për gatishmërinë dhe mbështetjen e dhënë në këtë proces.

Arqile Piperi, Drejtor i Drejtorisë të Gjeologjisë dhe Ida Çina, Shefe e Sektorit Ekonomik në Drejtorinë e Marrëveshjeve Hidrokarbure, janë vlerësuar për kontributin e dhënë, aftësinë profesionale dhe integritetin e lartë.

Shoqëria Albpetrol sh.a ka vlerësuar dy punonjësit e saj më të dalluar për vitin 2018, një praktikë kjo e kryer për herë të parë, por që do të kthehet në një standard për vitet në vijim. Ata janë Z. Arqile Piperi, i cili u vlerësua si Drejtuesi më i mirë për vitin 2018 dhe Znj. Ida Çina, e cila u vlerësua si punonjësja më e mirë e vitit 2018. Përmes kësaj procedure shoqëria Albpetrol sh.a synon që të promovojë punonjësit me rezultatet më të mira në punë dhe të shtyjë të gjithë stafin që të tejkalojë pritshmëritë.

Ky vlerësim i është dhënë z. Arqile Piperi në shenjë mirënjohje për punën e mirë të kryer gjatë Vitit 2018, përkushtimin dhe devotshmërinë në punë dhe rezultatet e larta në drejtimin e Drejtorisë të Gjeologjisë, por edhe detyrat e tjera që i janë ngarkuar gjatë vitit. Përkrah eksperiencës të gjerë në sektorin e naftës në Shqipëri, zoti Piperi ka kontribuuar në përmirësimin e rezultateve të shoqërisë Albpetrol sh.a dhe të gjithë industrisë të naftës në Shqipëri.

Ndërkohë Znj. Ida Çina, Shefe e Sektorit Ekonomik në Drejtorinë e Marrëveshjeve Hidrokarbure, është vlerësuar në shenjë mirënjohje për punën e mirë të kryer gjatë Vitit 2018, zbatimin me korrektësi dhe përkushtimin të detyrave të caktuara, zhvillimit profesional e personal si dhe etikën e lartë në punë. Znj. Çina është dalluar në sektorin e saj, dhe jo vetëm, për përkushtim të lartë në punë duke përmbushur me korrektesë dhe tejkaluar detyrat që i janë dhënë. Gjatë vitit 2018 ajo ka treguar aftësi shembullore të rritet profesionalisht dhe të ndihmojë edhe kolegët e tjerë të kryejnë detyrat e tyre.

“Njerëzit janë dhe do të jenë gjithmonë pasuria jonë më e madhe. Aftësitë dhe kontributet e dy punonjësve që ne vlerësojmë sot janë një nga pikat më të forta për suksesin e shoqërisë tonë. Në krenohemi me faktin se Arqile Piperi dhe Ida Çina janë anëtarë të rëndësishme e ekipit tonë. Ky vlerësim do të kthehet në një traditë për shoqërinë tonë”,- u shpreh Administratori i shoqërisë Albpetrol sh.a, Z. Dritan Spahiu.

 

Rritja e prodhimit ka ardhur nga QPN Kuçovë ku është tejkaluar plani me 16 ton naftë si dhe në QPN Fier ku për herë të parë pas katër muajve me bilanc negativ, është realizuar prodhimi i programuar

Qendra e Prodhimit të Naftës Fier dhe ajo e prodhimit të Naftës Kuçovë kanë rritur prodhimin e naftës nga vetë shoqëria Albpetrol sh.a, duke krijuar më shumë të ardhura për buxhetin e shtetit shqiptar. Në sajë të mirë administrimit si dhe rivendosjes në punë të disa puseve, këto qendra prodhimi kanë arritur prodhimin e programuar, madje edhe të prodhojnë më shumë naftë se sa ishte planifikuar.

QPN Kuçovë, në sajë të ndërhyrjeve emergjente ka stabilizuar prodhimin e naftës sipas programit dhe për muajin Maj 2019 ka tejkaluar programin me 16 ton. Ndryshimi ka ardhur si pasojë e rivendosjes në punë të disa puseve të fondit të ndalur, të cilët i janë nënshtruar remonteve thelbësore. Përmes përdorimit të mjeteve të specializuara, këto puse i janë nënshtruar pastrimeve nga rëra dhe argjila duke i kthyer nga puse të fondit të ndalur, në puse aktive. Një tjetër ndërhyrje që ka ndikuar në rritjen e prodhimit të naftës në këtë vendburim ishte edhe shtimi i kontrolleve të regjimit orar i puseve.

Ndërhyje të tilla të rëndësishme janë parashikuar që të kryhen edhe gjatë muajit Qershor në vendburimin e Kuçovës. Duke u përdorur e njëjta metodikë si dhe duke rivënë në punë puse të tjera të fondit të ndalur, prodhimi i QPN Kuçovë pritet që të rritet sërish në muajt në vazhdim.

Ndërkohë, Qendra e Prodhimit të Naftës Fier ka arritur të stabilizojë prodhimin pas një periudhe prej katër muajsh problematikë. Prej datës 1 Qershor 2019, QPN Fier ka arritur nivelet e programuara të 39.5 ton naftë në ditë. Ky rezultat pozitiv ka ardhur si pasojë e mirë administrimit të vendburimit përmes përgjigjes në kohë të problematikave të hasura, rritjes së disiplinës në punë dhe rivendosjes në punë të disa puseve të fondit të ndalur. Gjatë katër muajve të parë të vitit kjo qendër prodhimi ka pasur rezultat negativ, por duke u nisur nga shifrat e muajit Maj prodhimi i naftës nga QPN Fier mund të rritet edhe më tej.

Rritja e prodhimit të naftës është kryefjala e Administratorit të ri të shoqërisë Albpetrol sh.a, Z. Dritan Spahiu, i cili i ka fokusuar të gjitha veprimet e shoqërisë pikërisht në arritjen e këtij rezultati. Duke filluar nga muaji Mars 2019 të gjitha qendrat e prodhimit i janë përgjigjur pozitivisht kësaj kërkese duke përmirësuar situatën.

ALBPETROL SHA PATOS

FORMULARI I NJOFTIMIT TE FITUESIT

[Data 21.05.2019]

Nga:  Albpetrol sha, Patos

Për: “Al Global Oil” sha, Tirane

* * *

Procedura e ankandit: Ankand i Hapur

Përshkrim i shkurtër i kontratës: [“Shitje nafte brut, sasia 75,101 ton”. Kohezgjatja e kontrates eshte 270 dite nga data e lidhjes se kontrates.]

Cmimi minimal i shitjes i llogaritur eshte: Ne kushtet FOB 75.27 % e Çmimit Brent + K, ne pikat e levrimit te “Albpetrol” sha 75.27 % e Çmimit Brent – 2.97 USD/bbl + K.

Publikime të mëparshme (nëse zbatohet): Gazetat kombetare “Tema”, “Panorama”, “Dita”, “Gazeta Shqiptare “, gazeta e botuar ne gjuhen angleze “Albanian Daily News“, faqet e internetit www.albpetrol.al, www.infrastruktura.gov.al  [datat nga 24 Prill deri ne 02 Maj 2019]

Njoftojme se, kane qene pjesemarres ne procedure keta ofertues me vlerat perkatese te ofruara:

1. Operatori ekonomik “Tosk Energji” sha me NUIS L51817007A ka ofruar per kete ankand çmimin:

Ne pikat e levrimit te Albpetrol sha

75.27 % e Çmimit Brent – 2.97 USD/bbl + K

K=0.05 USD/bbl

2. Operatori ekonomik “R.B.H Beline” sha me NUIS L22524401A ka ofruar per kete ankand çmimin:

Ne pikat e levrimit te Albpetrol sha

75.27 % e Çmimit Brent – 2.97 USD/bbl + K

K=0.15 USD/bbl

3. Operatori ekonomik “Al Global Oil” sha me NUIS L62214509P ka ofruar per kete ankand çmimin:

Ne pikat e levrimit te Albpetrol sha

75.27 % e Çmimit Brent – 2.97 USD/bbl + K

K=0.105 USD/bbl

4. Operatori ekonomik “Genklaudis” sha me NUIS K76911001E ka ofruar per kete ankand çmimin:

Ne pikat e levrimit te Albpetrol sha

75.27 % e Çmimit Brent – 2.97 USD/bbl + K

K=0.2 USD/bbl

Jane skualifikuar ofertuesit e meposhtem:

• Operatori ekonomik “Tosk Energji” sha me NUIS L51817007A per arsyet e meposhteme:

Nga shqyrtimi dhe vleresimi i teresise se dokumentacionit te paraqitur nga subjekti “Tosk Energji” sha, si dhe nga verifikimi ligjor i informacionit/dokumentave, që i bashkëlidhen kesaj oferte, ky ofertues nuk permbush kriteret per kualifikim te percaktuara ne shtojcen 5, pika 2.2, germat “c” dhe “d”), te DSA-ve, rubrika “Kriteret e vecanta te kualifikimit.

• Operatori ekonomik “R.B.H Beline” sha me NUIS L22524401A per arsyet e meposhteme:

Nga shqyrtimi dhe vleresimi i teresise se dokumentacionit te paraqitur nga subjekti “R.B.H Beline” sha, ky ofertues nuk permbush kriterin per kualifikim te percaktuar ne shtojcen 5, pika 2.2, germat “e”, te DSA-ve, rubrika “Kriteret e vecanta te kualifikimit.

• Operatori ekonomik “Genklaudis” sha me NUIS K76911001E per arsyet e meposhteme:

Nga shqyrtimi dhe vleresimi i teresise se dokumentacionit te paraqitur nga subjekti “Genklaudis” sha, ky ofertues nuk permbush kriterin per kualifikim te percaktuar ne shtojcen 5, pika 2.2, germat “g”, te DSA-ve, rubrika “Kriteret e vecanta te kualifikimit.

* * *

Duke iu referuar procedurës së lartpërmendur, informojmë ““Al Global Oil” sha me NUIS L62214509P, se oferta e paraqitur, me një cmim/njesi prej:

Ne pikat e levrimit te Albpetrol sha

75.27 % e Çmimit Brent – 2.97 USD/bbl + K

K=0.105 USD/bbl pa TVSH, është identifikuar si oferta e suksesshme.

Rrjedhimisht, jeni te lutur të paraqisni pranë Albpetrol sha, rruga Fier – Patos km 7, sigurimin e kontratës ne vleren 328,107,588 (treqind e njezete e tete milion e njeqind e shtate mije e peseqind e tetedhjete e tete) Leke, ne masen 10% te vleres se perllogaritur te kontrates, siç parashikohet në dokumentat e ankandit, dhe te nenshkruani kontraten brenda 15 (pesembedhjete) ditëve nga dita e marrjes së këtij njoftimi.

Në rast se nuk pajtoheni me këtë kërkesë, ose tërhiqeni nga nënshkrimi i kontratës, do të konfiskohet sigurimi i ofertës suaj dhe ankandi do te anullohet, siç parashikohet në piken 16/b te Urdherit nr. 83 date 10.02.2012 “Per rregullat dhe procedurat e shitjes se produkteve hidrokarbure”, i ndryshuar.

Njoftimi i Klasifikimit është bërë në datë 09.05.2019.

Ka paraqitur ankese prane Autoritetit Shites operatori ekonomik “Tosk Energji” sha dhe ka marre pergjigje me date 20.05.2019. Ka paraqitur ankese prane Autoritetit Shites operatori ekonomik “R.B.H Beline” sha dhe ka marre pergjigje me date 20.05.2019. Ka paraqitur ankese prane Autoritetit Shites operatori ekonomik “Genklaudis” sha dhe ka marre pergjigje me date 20.05.2019.

Drejtori i Përgjithshëm i Shell Upstream Albania, Rohan D’Souza: Rezultatet shumë premtuese. Administratori i Albpetrol, Dritan Spahiu: Zhvillim i rëndësishëm për industrinë e naftës dhe gazit në Shqipëri.

Ministrja Infrastrukturës dhe Energjisë, Belinda Balluku dhe Drejtori i Përgjithshëm i Shell Upstream Albania, Rohan D’Souza njoftuan ditën e hënë më datë 27 Maj 2019 zbulimin e sasive të konsiderueshme të naftës në Bllokun 2 dhe 3 në zonën Shpirag të Qarkut Berat. Ky është vendburimi i parë në naftës që është zbuluar në Shqipëri për më shumë se 30 vjet, që nga mesi i viteve 80’. Drejtuesit e Albpetrol sh.a, shoqërisë shtetërore të naftës në Shqipëri, morën pjesë në këtë ceremoni të rëndësishme për industrinë e naftës shqiptare.

“Kam kënaqësinë t’ju njoftoj se pas disa vitesh aktivitetit kërkues dhe vlerësues në Shqipëri, kompania Shell konfirmon potencialin e zbulimit të rëndësishëm të naftës në Bllokun 2 dhe 3 zona e Shpiragut, Qarku Berat. Kjo do të stimulojë punësimin, do të rrisë furnizimin me naftë të rafinerive vendase, do të inkurajojë krijimin e ekonomive të shkallës në sektorin e downstream dhe do të krijojë standarde më të larta të prodhimit në atë të sektorit upstream. Konfirmimi i këtij zbulimi të rëndësishëm të naftës së lehtë i hap rrugë investimeve të ardhshme në aktivitetet e kërkimit pasi është një tregues i pranisë së rezervave të pa eksploruara të hidrokarbureve deri më tash në Shqipëri”- tha Ministrja Balluku. Sipas saj, qeveria shqiptare është në kontakte të vazhdueshme edhe me kompani të tjera të mëdha dhe prestigjioze që kanë shfaqur interesin e tyre për ushtruar aktivitetin në vendin tonë për kërkim-zbulimi të naftës dhe të gazit dhe ashtu siç dukshëm, në këto momente zbulimi i SHELL do t’i nxisë këto kompani për të përshpejtuar gjithçka që ata kanë në planet e tyre për investimet në Shqipëri në të ardhmen.

Ndërkohë Drejtori i Përgjithshëm i Shell Upstream Albania, Rohan D’Souza pohoi se “Testimi disa ditor i pusit u krye sipas pritshmërive, me një prurje potenciale të disa mijëra fuçive naftë në ditë. Hapi tjetër në programin vlerësues është kryerja e një testimit vlerësues të gjatë në pusin Shpirag-4, pasuar nga shpimi vlerësues në pusin Shpirag-3. Paralelisht Shell planifikon të kryejë shpime pusesh të tjerë vlerësues brenda blloqeve që ka të drejta për të testuar potencialin e tyre”.