Kategori: Lajme dhe njoftime

ALBPETROL SHA PATOS

FORMULARI I NJOFTIMIT TE FITUESIT

[Data 18.09.2018]

Nga : Albpetrol sha, Patos

Për : “Tosk Energji” sha, Tirane

* * *

Procedura e ankandit : (Ankand i Hapur)

Përshkrim i shkurtër i kontratës: [“Shitje nafte brut, sasia 56,000 ton”. Kohezgjatja e kontrates eshte 150 dite nga data e lidhjes se kontrates.]

Cmimi minimal i shitjes i llogaritur eshte : Ne kushtet FOB 74.5 % e Çmimit Brent + K, ne pikat e levrimit te “Albpetrol” sha 74.5 % e Çmimit Brent – 3.26 USD/bbl + K.

Publikime të mëparshme (nëse zbatohet): Gazetat kombetare “Dita“ dhe “Panorama“, gazeta e botuar ne gjuhen angleze “Albanian Daily News“, faqet e internetit www.albpetrol.al, www.infrastruktura.gov.al [datat nga 6 deri ne 14 Gusht 2018]

Njoftojme se, kane qene pjesemarres ne procedure keta ofertues me vlerat perkatese te ofruara:

Operatori ekonomik “Tosk Energji” sha NUIS L51817007A ka ofruar per kete ankand çmimin:
Ne pikat e levrimit te Albpetrol sha

74.5% e cmimit Brent – 3.26 USD/bbl + K

K=0.0105 USD/bbl

Operatori ekonomik “Izvor 99” sha me NUIS K82916488T ka ofruar per kete ankand çmimin:

Ne pikat e levrimit te Albpetrol sha

74.5% e cmimit Brent – 3.26USD/bbl + K

K=0.15 USD/bbl

Jane skualifikuar ofertuesit e meposhtem:

Operatori ekonomik “Izvor 99” sha me NUIS K82916488T per arsyet e meposhteme:

Nga shqyrtimi dhe vleresimi i teresise se dokumentacionit te paraqitur nga subjekti “IZVOR 99” sha, si dhe nga verifikimi ligjor i informacionit/dokumentave, rezulton se, nuk ploteson kriterin per kualifikim te percaktuar ne paragrafin ‘c’, te pikes 2.1 te rubrikes 2. KRITERET E VEÇANTA TË KUALIFIKIMIT, te Shtojces 5 te DSA, si dhe nuk eshte ne perputhje me VKM nr.970 date 2.12.2015, pasi riaplikimi sipas kritereve qe percaktohen ne VKM nr.970 date 2.12.2015, eshte refuzuar nga Qendra Kombetare e Biznesit.

* * *

Duke iu referuar procedurës së lartpërmendur, informojmë “Tosk Energji” sha NUIS L51817007A, se oferta e paraqitur, me një cmim/njesi prej:

Ne pikat e levrimit te Albpetrol sha

74.5% e cmimit Brent – 3.26 USD/bbl + K

K=0.0105 USD/bbl pa TVSH, është identifikuar si oferta e suksesshme.

Rrjedhimisht, jeni te lutur të paraqisni pranë Albpetrol sha, rruga Fier – Patos km 7, sigurimin e kontratës ne vleren 255,159,206 (dyqind e pesedhjete e pese milione e njeqind e pesedhjete e nente mije e dyqind e gjashte) Leke, ne masen 10% te vleres se perllogaritur te kontrates, siç parashikohet në dokumentat e ankandit, dhe te nenshkruani kontraten brenda 15 (pesembedhjete) ditëve nga dita e marrjes së këtij njoftimi.

Në rast se nuk pajtoheni me këtë kërkesë, ose tërhiqeni nga nënshkrimi i kontratës, do të konfiskohet sigurimi i ofertës suaj dhe ankandi do te anullohet, siç parashikohet në piken 16/b te Urdherit nr. 83 date 10.02.2012 “Per rregullat dhe procedurat e shitjes se produkteve hidrokarbure”, i ndryshuar.

Njoftimi i Klasifikimit është bërë në datë 10.09.2018.

Nuk ka patur ankesa

Ministria e Infrastrukturës dhe Energjisë shpreh keqardhje për deklarimet e bëra në media nga deputeti i subjektit politik Partia Demokratike z.Luan Baçi referuar reformës që po kryhet në shoqërinë Albpetrol. Ministria e Infrastrukturës dhe Energjisë gjen rastin të hedhë poshtë si të pavërteta spekulimet e bëra nga deputeti dhe sqaron opinionin publik sa vijon:

Shoqëria, Albpetrol sh.a ka hyrë në fazën e ristrukturimit, një proces i nisur në Janar 2018 dhe që ka si synim përmirësimin e treguesve të punës dhe treguesve ekonomiko financiar të shoqërisë. Pas një analize të thelluar të situatës së kompanisë, dhe bazuar në ristrukturimin e përgjithshëm që po i bëhet industrisë së naftës në Shqipëri, Këshilli Mbikëqyrës i shoqërisë vendosi që Albpetrol sh.a të kalojë përmes një ristrukturimi Organizativ, Strukturor dhe Reduktim të fuqisë punëtore.

Gjatë kësaj periudhe janë zhvilluar bisedime intensive me Sindikatën, e cila përfaqëson punonjësit e Albpetrol sh.a dhe bashkërisht është rënë dakord për kriteret që do të përdoren për procesin e ristrukturimit. Ky proces, për herë të parë, është kryer në një transparencë të plotë dhe me pjesëmarrjen e të gjitha strukturave. Një komision i posaçëm i përbërë nga administrata e shoqërisë dhe përfaqësuesit e Sindikatës ka shqyrtuar strukturën organizative të shoqërisë, performancën personale të punës të punonjësve dhe ka përcaktuar kriteret e ristrukturimit bazuar në: Arsimimin; Kualifikimin profesional; Vjetërsinë në punë në Industrinë e Naftës. Madje një kriter i veçantë ka qenë që asnjë i përndjekur politik, ose familjarë të të përndjekurve politikë, të mos preken nga ristrukturimi.

Këta punonjës janë trajtuar në përputhje me legjislacionin shqiptar duke marrë kompensimin financiar sipas Kodit të Punës. Të gjithë punonjësit kanë marrë menjëherë kompensimin financiar. Në përfundim të procesit të ristrukturimit të shoqërisë, Albpetrol sh.a ka trajtuar financiarisht 459 punonjës të cilët janë larguar nga puna. Punonjësit e larguar janë të profesioneve të ndryshme ku peshën më të madhe e zënë punonjësit pa poste pune që përputhen me aftësitë e tyre dhe me arsim që nuk përputhet me postin apo me industrinë e naftës.

Gjatë kësaj periudhe, Albpetrol sh.a nuk ka punësuar asnjë person të ri në punë. Madje edhe nëse do të hapen vende të reja pune, prioritet do të kenë punonjësit e prekur nga procesi i ristrukturimit nëse plotësojnë kushtet profesionale. Të gjithë këta punonjës janë vendosur në listat e pritjes. Opinioni publik duhet ta dijë se deri 5 vite më parë, Albpetrol ishte një kompani e cila rezultonte vetëm me humbje financiare ndërsa kishte në punë mbi 3.000 punonjës, pjesa më e madhe e të cilëve ishin militantë partiak pa lidhje me funksionin e punës.

Referuar pretendimit rreth Statusit të Naftëtarit, i kujtojmë opinionit publik se ndonëse naftëtarët e kërkuan prej afro një dekade fitimin e kësaj të drejte, ajo u bë realitet vetëm nga qeverisja e Partisë Socialiste gjatë vitit 2017. Në zbatim të legjislacionit në fuqi, deri më tani janë shqyrtuar dhe miratuar rreth 1800 aplikime duke miratuar dhënien e dëshminë përkatëse punonjësve të industrisë së naftës dhe të gazit. Në MIE kanë ardhur mbi 10500 dosje të personave që kërkojnë të pajisen me Dëshmi Zyrtare Identifikuese nga Komisioni i dhënies se Dëshmisë dhe procesi i shqyrtimit po vazhdon normalisht.

Referuar pretendimeve rreth Institutit Shkencor të Naftës, i kujtojmë opinionit publik se ishte pikërisht qeverisja e Partisë Demokratike që në vitin 2006, në kuadër të të ashtuquajturës reforme për shkencën, mori vendimin absurd për mbylljen e ish-Qendrës Kombëtare Shkencore te Hidrokarbure, trashëguesja e ish-Institutit te Naftës.

Pikërisht për te korrigjuar këtë vendim nga ana e qeverise dhe pët te mundësuar rritjen e kompetencës teknike dhe shkencore të Palës Shqiptare në industrinë hidrokarbure në përgjithësi dhe sidomos në aktivitetin e kërkimit dhe prodhimit të hidrokarbureve, duke garantuar ndërtimin e politikave të tilla, të cilat do të rrisin efektivitetin dhe eficencën e shfrytëzimit të vendburimeve hidrokarbure të cilat sikundër dihet janë shteruese, jo të rinovueshme, dhe strategjike për zhvillimin ekonomik, dhe jo vetëm, të vendit u ndërmor iniciativa ligjore per ringritjen e tij i cili eshte miratuar me ligjin 6/2017. Aktualisht puna është në fazën përfundimtare të përgatitjes së të gjithë akteve të nevojshme nënligjore për

“100- Vjetori i Naftës Shqiptare” u kremtua më 10 Prill 2018 përmes një konference të organizuar nga Ministria e Infrastrukturës dhe Energjisë dhe Albpetrol sh.a në qytetin e Kuçovës. Në këtë konferencë morën pjesë kompanitë më të mëdha të prodhimit të naftës në Shqipëri dhe figurat më të rëndësishme të industrisë së naftës ndër vite. Ndërkohë një vend i veçantë ju dedikua kompanive të shërbimit, të cilat ekspozuan pajisjet dhe teknologjitë më të fundit në fushën e naftës dhe gazit natyror.

Pusi i parë i kërkimit të naftës në Shqipëri filloi shpimin pikërisht 100 vjet më parë në Drashovicë të Vlorës, i projektuar nga gjeologu italian Leo Madalena dhe inxhinieri i naftës Amoretti, mbi bazën e studimeve gjeologjike që ata kishin kryer në vitin 1917. Për të shënuar këtë përvjetor u zgjodh jo rastësisht Kuçova pasi përfaqëson qytetin industrial që ka jetuar dhe jeton nga nafta që prej kohës kur kompanitë italiane zhvillonin operacionet e kërkimit.

Ministri i Infrastrukturës dhe Energjisë Damian Gjiknuri, ambasadori i Italisë në Tiranë Alberto Cutillo, Kryebashkiaku Selfo Kapllani, deputetët e zonës, Administratori i Albpetrol sh.a, Kastriot Bejtaj, dhe përfaqësues të kompanive TAP e SHELL vizituan nga afër puset e rralla me rrotë të cilat japin prodhim që nga vitet 1930 deri në ditët e sotme.

Më pas aktiviteti vijoi me simpoziumin shkencor, i cili u zhvillua në kinemanë e qytetit të Kuçovës. Gjatë fjalës së tij Ministri Gjiknuri u ndal tek potencialet që ofron Shqipëria në fushën e kërkimit të naftës.”Ka një interes të shtuar për fushat e naftës në Shqipëri, për mundësi të tjera të eksplorimit qoftë në tokë, qoftë në det nga kompani shumë të mëdha ndërkombëtare. Kjo është një shenjë e mire që ne duhet ta përqafojmë dhe të bëjmë çmos që ato ti kemi këtu”, u shpreh Ministri Gjiknuri. Ndërkohë përfaqësuesit e Albpetrol i shpjeguan ministrit dhe të pranishmëve potencialet naftëmbajtëse të Shqipërisë dhe hapat që po ndërmerren për zhvillimin e teknologjisë me qëllim rritjen e prodhimit.

Në vitin e 100 vjetorit të Industrisë së Naftës, punonjësit e shoqërisë Albpetrol kanë një kontratë të re kolektive, e cila ka hyrë në fuqi më 1 Janar 2018. Kontrata e re kolektive ka një kohëzgjatje prej tre vitesh dhe në të përfshihen një sërë përfitimesh të reja për punonjësit. Kjo është risia e dytë për punonjësit e Albpetrol sh.a pas përfitimeve të Statusit të Naftëtarit, të cilat kanë filluar tashmë.

 

Diskutimet për këtë kontratë kanë nisur 7 muaj më parë me Sindikatën e Re të Naftëtarëve Shqiptarë, e cila është asistuar në këtë proces edhe nga Qendra për Marrëdhënie Pune dhe Dialog Social dhe Ambasada Suedeze. Gjatë kësaj periudhe janë zhvilluar disa takime konsultative me përfaqësitë e punonjësve dhe sindikatës deri sa është arritur varianti përfundimtar.

 

Kontrata bazohet në Ligjet e Shtetit Shqiptar, Statutin dhe Rregulloret e brendshme të shoqërisë Albpetrol sh.a si dhe është përditësuar me Ligjin “Për Statusin e Punonjësve të Industrisë së Naftës dhe Gazit” e miratuar së fundmi nga Parlamenti.

 

Risia e kësaj kontrate janë një sërë kushtesh që favorizojnë punonjësit si:

•          Leje vjetore 5 javore për punonjësit që punojnë në profesionet e listuara në Statusin e Naftëtarit
•          Shpërblime në raste martesash, lindje të fëmijëve, etj.
•          Ndihme ekonomike per semundjet dhe per familjen ne rast vdekje.
•          Trajtime suplementare për punonjësit me tituj dhe grada shkencore
•          Pagesë për orët jashtë orarit zyrtar të punës etj.

 

Për sa i takon transportit të punonjësve, një pikë e cila është kërkuar me ngulm nga sindikata, shoqëria Albpetrol ka rënë dakord me kerkesat e punonjësve dhe ka sanksionuar në kontratën kolektive se do të sigurohet transporti falas nga Bashkitë që konsiderohen qytete pranë vendburimeve të naftës të tilla si Fier, Patos, Roskovec, Vlorë, Selenicë, Ballsh, Kucovë, Berat, Urë Vajgurore, Divjakë dhe Lushnje drejt Vendburimeve të naftës apo gazit që ndodhen në afërsi të këtyre Bashkive.

 

Një risi e kontratës kolektive është trajtimi ushqimor dhe trajtimi me antidodë. Gjithashtu për rastet kur punonjësit janë të ekspozuar ndaj aksidenteve në punë, Albpetrol sh.a, me shpenzimet e veta, do të kryejë sigurimin e jetës dhe do t’i garantojë punonjësve, në bashkëpunim me shoqëritë siguruese, trajtim të specializuar spitalor brenda apo jashtë vendit.

 

Kontrata parashikon edhe hapjen e një qendre shendetësore të specializuar me shërbim 24 orë për punonjësit e Albpetrol sh.a.

Njoftohen të gjithë punonjësit dhe ish-punonjësit e shoqërisë Albpetrol sh.a se, bazuar në Ligjin Nr.8/2017 “Për Statusin e Punonjësve të Industrisë së Naftës dhe Gazit” dhe Vendimi i Këshillit të Ministrave Nr.425 datë 10.05.2017, se ka filluar shpërndarja e dokumenteve për Statusin e Naftëtarit. Personat e interesuar që të pajisen me dokumentet përkatëse duhet të paraqiten pranë njërës prej qendrave të punës ku kanë punuar dhe të fillojnë procedurën.

Shoqëria Albpetrol sh.a sqaron të gjithë personat e interesuar se disponon dokumentacion për periudhën që kanë punuar në shoqërinë Albpetrol sh.a nga viti 1994 e në vazhdim. Për periudhën përpara vitit 1994, dokumentet mund të merren pranë Sigurimeve Shoqërore ose arkivave të tjera.

Personat që duan të pajisen me vërtetim të posaçëm zyrtar për periudhën përkatëse duhet të plotësojnë formularin përkatës, i cili mund të shkarkohet këtu ose mund të tërhiqet fizikisht pranë qendrave ku kanë punuar.

Formulari i plotësuar duhet të dorëzohet në qendrat ku keni punuar së bashku me një kopje të librezës të punës ose mund të dërgohet me postë në qendrën përkatëse.

Ditёt e fundit nё disa media ёshtё publikuar njё informacion i pa vёrtetё dhe dashakeq nё lidhje me situatёn e krijuar nё vendburimin e Amonicёs, i cili mё parё administrohej nga kompania Phoenix Petroleum. Sipas kёtij informacioni dashakeq, Albpetrol sh.a pretendohet se i ka marrё pa tё drejtё vendburimin kompanisё Phoenix Petroleum. Me keqardhje duhet tё pёrgёnjeshtrojmё mediat qё kanё rёnё pre e kёtij mashtrimi i bёrё nga individё tё caktuar qё kanё lidhje ekonomike me kompaninё Phoenix Petroleum.

 

E vёrteta e kёsaj situate ёshtё si mё poshtё:

Vendburimi i Amonicёs nuk ёshtё territor i koncesionit tё shoqёrisё Phoenix Petroleum sh.a, pasi Marrёveshja Hidrokarbure “Pёr zhvillimin dhe prodhimin e hidrokarbureve nё Vendburimin e Amonicёs”, mbi bazёn e tё cilit kjo shoqёri kryente operacione hidrokarbure nё kёtё vendburim, ёshtё zgjidhur përpara afatit te parashikuar, si rezultat i mospërmbushjes së detyrimeve kontraktuale nga Phoenix Petroleum sh.a. Nё bazё tё ligjit nr.7746, datё 28.07.1993 “Pёr hidrokarburet (kёrkimi dhe prodhimi) i ndryshuar, qё prej datёs 9 Mars 2017 shoqёria Albpetrol sh.a ka marrё autorizimin e Ministrisë sё Energjisë dhe Industrisë pёr tё kryer operacione pёr zhvillimin dhe shfrytёzimin e hidrokarbureve nё Vendburimin e Amonicës. Nё kёtё pikё duhet tё theksojmё qё vendburimi i Amonicёs ka qenё gjithmonё pasuri e shtetit Shqiptar nёn administrimin e shoqёrisё Albpetrol sh.a sic mund ta shihni edhe nё certifikatёn e pasurisё bashkёngjitur.

 

Prishja e marrёveshjes dhe marrja e vendburimit ёshtё pёr arsye se kompania nuk ka shlyer detyrimet financiare dhe ato nё naftё bruto nё pёrputhje me kontratёn dypalёshe; nuk ka kryer investimet e kёrkuara; ka keqmenaxhuar vendburimin etj.

 

Albpetrol duhet ta merrte kёtё vendburim qё nё muajin Qershor 2016, por me kёrkesё tё AKBN dhe MEI, kompanisё iu dha edhe njё shans i dytё tё shlyejё detyrimet qё kishte ndaj shoqёrisё Albpetrol sh.a. Pёr kёtё arsye ёshtё mbajtur edhe njё takim mё datё 28.06.2016 nё ambientet e MEI mes AKBN, Albpetrol sh.a, MEI dhe kompanisё Phoenix Petroleum ku kompania ka marrё pёrsipёr shlyerjen e detyrimeve. Duke qenё se deri nё muajin Shkurt 2017 kompania Phoenix Petroleum nuk i mbajti premtimet pёr shlyerjen e detyrimeve, Albpetrol sh.a procedoi me marrjen e vendburimit tё Amonicёs. (Bashkёngjitur procesverbali i takimit)

 

Theksojmё se situata e gjetur nё momentin e marrjes sё vendburimit qё ishte nё pёrdorim nga kompania Phoenix Petroleum ishte katastrofike. Jo vetёm qё nuk ishin kryer investimet e premtuara, por edhe gjendja e aseteve tё trashёguara nga Albpetrol sh.a kishte degjeneruar rёndshёm. Pёr kёtё mund t’i referoheni pamjeve filmike qё janё realizuar nё momentin e marrjes nё dorёzim tё vendburimit.

 

Ne materialet e publikuara nё media pёrdoret njё shkresё e firmosur nga drejtori i Agjencisё Kombёtare tё Burimeve Natyrore, ku pretendohet se Albpetrol nuk ka tё drejtё tё ndёrhyjё nё vendburimin e Amonicёs pasi ёshtё nё administrim tё Phoenix Petroleum. Pёr kёtё ju sqarojmё si mё poshtё:

 

• Veprimtaria e AKBN zhvillohet nё bazё tё VKM nr. 547 datё 09.08.2016. Pretendimet se AKBN ёshtё institucioni i vetёm i autorizuar pёr operacionet hidrokarbure nё Republikёn e Shqipёrisё nuk gjen mbeshtetje nё kёtё VKM. AKBN ka vetem rol monitorues.
• Ministria e Energjisё dhe Industrisё, si pёrfaqёsuese e pronarit shtet, me shkresёn Nr. 936/20 i ka bёrё tё qartё AKBN se “AKBN nuk ka asnjё rol dhe kompetencё pёr tё vlerёsuar apo disponuar mbi vendimin e Albpetrol pёr zgjidhjen e Marrёveshjes si dhe marrjen nё dorёzim tё Vendburimit.”
• Po nё tё njёjtёn shkresё, Ministria e Energjisё dhe Industrisё, Organi Epror i AKBN ka konstatuar se AKBN nё mёnyrё tё pёrsёritur ka adresuar qendrime tё njёanёshme dhe tё pabazuara nё Legjislacionin nё fuqi.
• Nga ana tjetёr, shoqёrisё Albpetrol i është dhёnё me Ligjin me Nr. 7746 datё 28.07.1993, Neni 12, pika 2, Autorizimin pёr kryerjen e Operacioneve Hidrokarbure nё pёrputhje me Listёn A ku perfshihet edhe Vendburimi i Amonicёs. Ju lutem gjeni bashkёngjitur Ligjin dhe Marrёveshjen Albpetrol plus Listёn A. Marrёveshja Albpetrol dhe Lista A konsiderohen pjesё e Ligjit.
• Bazuar nё aktet ligjore dhe nёnligjore, Albpetrol e ka tё regjistruar edhe nё Zyrёn e Regjistrimit tё Pasurive tё Paluajtshme Objektin e Amonicёs. Nё Certifikatat e Pronёsisё shprehet qartё se Objektet e Naftёs dhe trualli nё kёtё vendburim janё Pronё e Republikёs sё Shqipёrisё nёn administrim tё Albpetrol sh.a. Ju lutem gjeni bashkёngjitur njё nga rreth 100 certifikatat e pronёsisё qё Albpetrol posedon pёr Vendburimin e Amonicёs.

 

Shprehim keqardhjen qё disa institucione shtetёrore bёhen palё me njё kontraktor qё nё shumё raste ka dorёzuar dokumenta false, ka kryer kontrabandё, ka mashtruar me garancitё bankare duke pёrfituar nё mёnyrё tё padrejtё nga AKBN mbi 1,300,000 USD dhe shumё vepra tё tjera, pёr tё cilat Albpetrol, nё mungesё tё reagimit nga ana e AKBN, i ёshtё drejtuar Prokurorisё duke kallёzuar shtetasit Isuf Berberi dhe Neim Kasa, pёrfaqёsues tё shoqёrise Phoenix Petroleum. Pёr mё tepёr, Albpetrol ka konstatuar se titullarё tё AKBN janё tё pёrfshirё nё konflikt interesi me kёtё shoqёri pasi, ndonёse e kanё tё ndaluar me ligj, pёrfitojnё kontrata dhe naftё bruto nga shoqёria Phoenix Petroleum nё mёnyrё direkte pёrmes disa shoqёrive ku janё aksionerё. Pёr kёtё cёshtje Albpetrol sh.a i ёshtё drejtuar MEI duke kёrkuar verifikimin e situatёs pasi duke abuzuar me detyrёn dhe me veprimet e tyre tё paligjshme, kёta shtetarё po dёmtojnё rёndё interesat e shtetit shqiptar.

 Dokumentacionet:

1 – Certifikate Pronesie

2- Ligji, Marreveshja dhe lista

3-Vendim krijim AKBN

4-Procesverbal takimi

5- Pamjet filmike te transmetuara

 

Drejtoria e Marketingut dhe

Marrëdhënieve me Publikun

Reagim i Albpetrol

 

Albpetrol sh.a. përgënjeshtron lajmin e publikuar se fundmi ne disa media, te cilat ngrenë akuza te pabaza për vjedhje dhe kontrabande nafte. Pamjet e nxjerra ne videon e shpërndarë nga këto media, janë te një autoboti ne pronësi te Albpetrol sh.a. qe po tërheq fluid nga puset e vendburimit te Amonices për ta dërguar ne dekantim, ku pas procesit teknologjik realizohet ndarja e ujit nga nafta dhe prodhohet nafta buto. Procesi i tërheqjes se fluidit dhe i dërgimit te tij për përpunim ne dekantim është proces i zakonshëm ne Industrinë e Naftës dhe behet ne mënyrë te njëjta nga çdo shoqëri private apo shtetërore qe operon ne këtë sektor. Theksojmë se lëvizja e Fluidit behet ne çdo rast me fature shoqërimi.

 

Te aludosh hedhjen ne treg te fluidit është absurde, ndaj Albpetrol e konsideron një spekulim keqdashës qe synon te dëmtoje imazhin e shoqërisë Albpetrol sh.a. Po absurd është dhe fakti qe Albpetrol e vidhka këtë nafte (fluid). Kujtojmë artikullshkruesin se te gjithë puset e Vendburimit te Amonices janë ne pronësi te Albpetrol, shoqëri aksionere me kapital 100% te zotëruar nga shteti shqiptar dhe Albpetrol ka te drejta te plote bazuar ne Ligjin nr. 7746, datë 28.7.1993 “Për Hidrokarburet” (kërkimi dhe prodhimi) për te tërhequr dhe përpunuar deri ne nafte bruto fluidin qe prodhohet nga këta puse.

 

Kemi bindjen e plote se lajme te tilla sponsorizohen nga shoqëria Phoenix Petroleum e cila ka pasur deri para disa muajsh kontrate me Albpetrol për operimin e vendburimit te Amonices. Kjo kontrate u ndërpre nga Albpetrol pasi shoqëria ne fjale jo vetëm dështoi ne shlyerjen e detyrimeve dhe kryerjen e investimeve për te cilat ishte angazhuar, por ndërpreu prodhimin ne vendburim për shkak te mospasjes se aftësive paguese, gjë qe solli bllokimin e aktivitetit nga Drejtoria e Doganave, subjektet e treta qe kishin fatura pa likuiduar si dhe nga punonjësit te cilëve nuk iu ishin paguar pagat prej 5 muajsh dhe sigurimet shoqërore prej 15 muajsh.

 

Shoqeria Phoenix Petroleum tentoj ta nxirte dhe gjate dites se premte nje lajm te till kur nxori me titra ne disa televizione nje lajm te rrem sikur nje shofer i Albpetrol ishte arestuar nga Policia. Pas kerkeses se Albpetrol qe mediat publikuese ta konfirmonin kete lajm nga policia mediat ne fjale e hoqen lajmin pasi ishte vete policia qe pergenjeshtroj kete informacion

 

Sa me siper, shoqeria Albpetrol sh.a. do te ndermarre te gjitha hapat ligjore per te rivendosur te drejtat e saj logjore dhe per te pushuar e parandaluar cenimit e metejshem te interesave te saj. Per kete qellim, ne ditet ne vijim Albpetrol sh.a. do te depozitojme ne gjykate nje padi ndaj mediave te cilat e kane perhapur me qellim kete lajm te pavertete.

 

Shpjegim – Fluidi eshte lengu i cili del nga nentoka nepermjet puseve te naftes ne perberje te te cili ka kryesisht uj dhe nafte bruto. Perqindja e naftes bruto ne fluidzakonisht per vendburimin ne fjale varion nga 10%-50%. Pjesa tjeter eshte kryesisht uj i cili riinjektohet ne shtresat prej nga eshte nxjerre. Ndarja e naftes nga uji ne fluid realizohet ne Proceset e Dekantimit,permes ngrohjes se fluidit ne temperatura 60 – 80 grade Celcius nepermjet skemave teknologjike te cilat kane te integruar shkembyes nxehtesie. Ne perfundim te procesit te Dekantimit prodhohet nafta bruto sipas standarteve nderkombetare me perbajtje uji 0 – 2% uje dhe qe nga ky moment sasia e prodhuar deklarohet online ne sistemin e posacem te Drejtoris se Pergjithshme te Doganave. Me pas kjo nafte eshte e detyrueshme te kete destinacion final nje rafineri prej nga riperpunohet serish deri ne produktet finale (gazoil, benzin, solar, bitum, koks etj)

 

Ministri i Energjisë dhe Industrisë z.Damian Gjiknuri, ai i Mirëqenies Sociale Z.Blendi Klosi dhe Ministrja e Shtetit për Marrëdhëniet me Parlamentin znj. Ermonela Felaj zhvilluan sot një takim me përfaqësues të sindikatave të naftëtarëve ku prezantuan draftin e Statusit të Naftëtarit.

 

Numri i përfituesve të këtij statusi llogariten rreth 5 mijë vetë ndërsa përfitues të pensionit në vitin e parë si rezultat i uljes së moshës së pensionit me pesë vjet llogaritet afërsisht 2 mijë persona.

 

Nisma ka marrë formën përfundimtare si draft dhe pas miratimit në qeveri i kalon për diskutim dhe miratim Kuvendit të Shqipërisë. Ky projektligj përcakton pozitën juridike, ekonomiko -financiare dhe shoqërore, kërkesat e  përgjithshme të pranimit, të drejtat, detyrimet dhe kufizimet e punonjësve të Industrisë së Naftës dhe Gazit në Republikën e Shqipërisë, për arsye të karakterit të veçantë të punës dhe ndikimit në shëndet të kësaj pune, si dhe garancitë ligjore për zbatimin e tyre.

 

“Dua të ju komunikoj mesazhin e Kryeministrit dhe qeverisë. Ne sot i kthyem përgjigje Kuvendit të Shqipërisë që jemi duke e miratuar këtë status. Projektligji i qeverisë i bërë nga qeveria, ka marrë parasysh imputet e të gjithë aktorëve të interesuar, nuk duhet ta harrojmë këtë pasi ka qenë një produkt i përbashkët. Dua të falenderoj edhe njëherë këtu të gjithë deputetët prezentë, të gjithë kanë qenë shumë të interesuar për promovimin e kësaj çështje dhe që besoj është një lajm i mirë për të gjithë qytetarët e Fierit, qytetarët e Vlorës, qytetarët e Beratit, të gjithë ata njerëz që me vite kanë kontribuar në sektorin e naftës. Patjetër ne ndihemi krenar si qeveri dhe si maxhorancë që po plotësojmë diçka të domosdoshme të merituar për shumë njerëz që kanë bërë sakrifica në këtë industri”, u shpreh ministri Gjiknuri.

 

Ndërkaq, Ministri i Mirëqenies Sociale Blendi Klosi deklaroi se e vlerëson faktin se tashmë po piqen kushtet që statusi i naftëtarit të bëhet realitet. “Të bëhet realitet dhe një brez shumë i gjërë naftëtarësh, kontribues në ndërtimin e Shqipërisë në dekada, të marrin një status i cili është i veçantë edhe për vet faktin e qënies së veçantë të vet naftëtarëve. Kanë dhënë kontribute e kanë punuar aq fort që ky vend të ketë një nga burimet më të mëdha natyrore kombëtare”, nënvizoi z.Klosi. Ai sqaroi se projektligji ka një faturë financiare dhe atë qeveria merr përsipër ta mbulojë nga vet skema e sigurimeve shoqërore. “Falë kontributit që qytetarët shqiptarë kanë dhënë për përmirësimin e kësaj skeme dhe kthimin e saj në rentabël”, tha Klosi.

 

Ministrja e Shtetit për Marrëdhëniet me Parlamentin Ermonela Felaj tha se Statusi është përmbushja e një premtimi publik por edhe elektoral që kjo qeveri u ka bërë naftëtarëve. “Të miratosh Statusin e Naftëtarit do të thotë të vësh në vend dinjitetin e këtyre naftëtarëve dhe nuk flas vetëm për ata që janë në punë por edhe për ish-naftëtarët, specialistët e naftës e gazit që i kanë dedikuar jetën e tyre naftës”, u shpreh Felaj.

 

Ismet Beqiri, teknolog në industrinë e naftës deklaroi se ndjehet i respektuar që i është bashkuar ekipit që ka punuar fort për Statusin e Naftëtarëve. “Është një nga lajmet më të mira që nga rifillimi i industrisë së naftës. Falenderoj Kryeministrin, ju si Ministra që po mbani fjalën e dhënë para tre vitesh e gjysmë”, theksoi ai.

 

Sipas draftit, përfituesit do të jenë ushtruesit e profesionit, tani dhe ne të kaluarën, të përfshirë në të gjithë zinxhirin e prodhimit: nga sektori i kërkimit, prodhimit, përpunimit, transportit me naftësjellës dhe gazsjellës, si dhe ne institucionet tekniko-shkencore dhe administrative të naftës e gazit. Nuk janë lënë në harresë as ata që janë të aksidentuar në punë pavarësisht kohës së punës në këtë industri.

 

Përcaktohet procedura dhe dokumentat e nevojshëm për marrjen e statusit. Paga minimale e personave me këtë status propozohet të bëhet minimalisht sa 150% e pagës minimale në rang vendi. Propozohet që përfitime të kenë dhe personat që, pas një eksperience të konsiderueshme në këtë fushë, janë të papunë në momentin e hyrjes në fuqi të ligjit.

 

Përgjegjësi propozohet që t’u ngarkohet dhe kompanive të naftës, të cilat në raste ristrukturimi apo largimi nga puna për arsye që nuk varen nga naftëtari, u paguajnë atyre një shpërblim 60% ose 80% të pagës minimale neto në shkallë vendi.

 

Drafti ka dhe përcaktim të ndarjes së moshës së daljes në pension dhe përfitimet relevante, duke bërë një ndarje edhe për pozicione dhe vende pune, “punë të vështira ose të rrezikshme për jetën dhe shëndetin e njeriut”, sipas VKM nr. 207, datë 09.05.2002, “Për përcaktimin e punëve të vështira ose të rrezikshme” dhe akteve ligjore dhe nënligjore në fuqi. Konkretisht : Mosha e daljes në pension për këto persona për punë të rrezikshme është 60 vjeç për burrat dhe 55 vjeç për gratë dhe periudhë të përgjithshme sigurimi 30 dhe 25 vjet dhe vjetërsi në këto profesione sa ½ e vjetërsisë së përgjithshme.

 

Përveç moshës, me statusin e naftëtarit, individët propozohët që të përfitojnë edhe në masën e pensionit ku sipas rastit, do të kenë një përqindje të caktuar më të lartë se shuma sipas formulës bazë. Punonjësit e industrisë së naftës dhe gazit që gëzojnë statusin e naftëtarit dhe që dalin në pension ose kanë dalë në pension, përfitojnë shtesë pensioni a).- në masën 60% të vlerës së pensionit të plotë të pleqërisë, të llogaritur apo aktual, për punonjësit që kanë jo më pak se 30 vjet punë për burrat dhe 25 vjet punë për gratë, në industrinë e naftës; b).- në masën 40% të vlerës së pensionit të plotë të pleqërisë, të llogaritur apo aktual, për punonjësit që kanë jo më pak se 20 vjet punë për burrat dhe 18 vjet punë për gratë në industrinë e naftës).

 

Gjithashtu, personat me statusin e naftëtarit propozohet të përfitojnë edhe kontroll mjekësor falas 2 herë në vit. Përfitime të tjera parashikohen edhe në raste specifike, nëse evidentohen sëmundje të krijuara drejtpërdrejt nga puna në Industrinë e Naftës dhe Gazit. Madje, propozohet që ata të përfitojnë dhe 25% shtesë, të paguar, në pushime vjetore.pecialistët e lartë që gëzojnë statusin e naftëtarit, dhe që janë autorë ose bashkëautorë të studimeve, projekteve dhe raporteve në industrinë e naftës dhe të gazit, gëzojnë të drejtën e autorësisë dhe pronësisë intelektuale për këto studime.

 

Përfituesit e statusit të naftëtarit, sipas këtij ligji, propozohet të jenë përfitues në privatizimin e Industrisë se Naftes dhe Gazit në raport me kohën e punës, shkallën e kualifikimit dhe kategorizimit të punës. Kriteret, masa dhe procedurat e përfitimit përcaktohen me vendim të Këshillit të Ministrave.

Reagim nga shoqëria Albpetrol sh.a

 

Ditën e sotme, në disa portale online, është publikuar një lajm ku pretendohet se shoqëria Albpetrol sh.a ka shitur naftën bruto në vitin 2014 më lirë se sa kompania Bankers Petroleum dhe pa marrë si referencë çmimin e naftës në bursë. Ky publikim është i pasaktë dhe Albpetrol sh.a sqaron si më poshtë:

Të gjitha shoqëritë e licencuara për shitjen e naftës bruto, përfshirë dhe Albpetrol sh.a operojnë me çmime që kanë si referencë treguesit e publikuar në bursat ndërkombëtare.

Albpetrol sh.a e shet naftën e saj në tregun vendas përmes një ankandi të hapur dhe publik, ndërkohë që çmimi fillestar llogaritet në përputhje me specifikimet teknike të lidhura me treguesin Brent. Kompania që shpallet fituese është ajo që ofron çmimin më të lartë gjatë Ankandit.

Në lidhje me ankandet e pretenduara në publikimin në fjalë sqarojmë se nuk janë zhvilluar në kohën kur Ministër i Energjisë dhe Industrisë ishte Z. Damian Gjiknuri dhe Administrator i Albpetrol sh.a ishte Z. Endri Puka.  Te gjitha ankandet janë zhvilluar nga administrata e kaluar para Tetorit 2013 dhe Albpetrol sh.a ka pasur detyrimin ligjor të zbatimit të kontratave, të cilat janë ekzekutuar gjatë periudhës Janar 2013-Dhjetor 2014. Gjatë ekzekutimit të këtyre kontratave, më periudhën që Albpetrol drejtohej nga Partia Demokratike, janë lënë 9 milion USD pa paguar, fakt për të cilin Ministria e Energjisë dhe Industrisë ka kallëzuar në Dhjetor 2013 në Prokurorinë e rrethit Fier ish-administratorin Ferdinand Murati.

Në materialin e publikuar pretendohet se çmimi  naftës së shitur ne përputhje me Ankandet e specifikuara më sipër nga Albpetrol sh.a është ndjeshëm më i ulët se sa çmimi me të cilin kanë shitur operatorët e tjerë të tregut. Kjo është e pasaktë pasi çmimi i naftës së shitur nga shoqëria Albpetrol sh.a është i njëjtë, madje në shumë raste edhe më i lartë se sa çmimi që kanë shitur kompanitë e tjera në tregun vendas si “Stream Oil and Gas” apo “Trans Oil”, kompani të cilat për nga përmasat, mënyra e shitjes dhe cilësia e naftës janë të ngjashme me Albpetrol sh.a.

Lidhur me diferencat në çmim me kompaninë Bankers Petroleum, ndryshimi vjen për shkak të faktit se Albpetrol sh.a e shet naftën e saj në tregun vendas dhe me kushtin që Blerësi, me mjetet e tij, te realizoje transportin duke e tërhequr naftën nga Magazinat e Albpetrol.

Ndërkohë kompania Bankers Petroleum në këtë periudhe e ka shitur naftën në eksport nën kushtet FOB, të ngarkuar në anijen e blerësit në portin e Petroliferes, Vlorë.

Shitja e naftës nga porti i Petroliferas ka kosto shtesë krahasuar me një shitje që Bankers Petroleum mund të realizonte në të njëjtat kushte si Albpetrol:

Transportin e naftës nga Patos Marinza në Vlorë, Përdorim Holluesi për të përmirësuar cilësinë e produktit dhe për të mundësuar transportin, Depozitim dhe magazinim në depozitat e Petroliferas, ngarkim në anije, firo teknike, kostot e eksportit, kostot e ndërmjetësit etj.

Këto kosto ndikojnë në rritjen me rreth 10-20% të kostos së naftës brut dhe të çmimin të shitjes të saj.

Ndërkohë vlerat neto të përfituara nga shoqëritë respektive janë të përafërta dhe nuk kanë asnjë lidhje me shifrat spekulative të përmendura në publikimin në media.

Drejtoria e Marketingut

dhe Marrëdhënieve Publike